劈得龍多都總想擺番隻有霸氣嘅喺枱面留個全屍。山口勝久嘅山口式，原型製作係寺岡邦明，全長約20.5cm，而對翼就長約28.5cm，都幾鬼大隻，口部可動外，仲有攻擊部件、斷尾配件同人仔俾你玩，另外當然唔少得係有支架，等你可以擺唔同嘅飛行動作。12月15日推出，No.121EX，賣3,980日元。 相關資訊【有片】貓貓很可憐 《Monster Hunter: World》奇妙事件 (Apr 18, 2018) 今日開播 動畫版《ヲタ恋》現Switch版《Monster Hunter XX》 (Apr 12, 2018)

12月8日跟機喺日本推出嘅Wii U高清版《Monster Hunter 3G HD Ver.》，啱啱喺官方頻道發佈咗劈遊戲龍片段。片段睇到唔只係輕輕執番靚3DS嘅畫面，支援1080p全高清同5.1 LinearPCM，堅係重製堅係又滑又細緻，唔係流四之作。而且3DS冋Wii U版資料可以互換，一部Wii U仲可以連3部3DS合作劈龍！遊戲售價4,800日元；Wii U同梱裝賣38,850日元。 相關資訊【芒亨VR】女獵人陪你玩 《Monster Hunter Frontier Dive》第一身屠龍 (Apr 1, 2018) 【咁就10年】你係咪呢隻加入？《Monster Hunter Portable 2G》推出10周年 (Mar 28, 2018)

  喺TGS率先發售嘅《Monster Hunter 4》主題產品，由即日開始就陸續登陸Capcom秋葉原同台場店。當中都係啲餅呀、小食呀嗰啲，幾廿蚊貨仔，去開不妨買嚟俾啲機友做手信。另外，10月中亦會有新景品推出，就係艾露貓袋仔，闊10cm × 深2cm × 高16cm，可以送俾女朋友仔裝手機，嗱，又冇話男仔唔用得o格，試吓囉。 相關資訊我真係恭喜你呀！日本超強數值玩家現身 (Feb 16, 2018) 【日本投選】當年出街有回憶 《Monster Hunter》手提機版邊隻最正？ (Jan 30, 2018)

之前都報導過Xbox360/PC隻《Monster Hunter Frontier》會喺10月17日更新，今次又有新怪睇，仲一連有兩條片，其中特異個体「ゴゴモア」好似蜘蛛俠咁睇見到想笑，冇得玩都要睇吓。 相關資訊回味10年前 PSP《Monster Hunter 2nd G》高手數據 (Jan 29, 2018) 新片速報 山田孝之又來了 賣《Monster Hunter》瘋狂扮龍 (Jan 18, 2018)

新一集要喺3DS細芒玩，我想用大電視玩呀！12月8日跟日版Wii U推出嘅《Monster Hunter 3G HD Ver.》有新畫面喇，有咩特別？HD Ver.咪高清囉，係，咪1080p囉，係幾靚嘅。遊戲會收錄所有3DS版嘅DLC內容，可以網上連線合作，仲可以同3DS共用Save，仲可以同3DS連線玩，1部Wii U可以連3部3DS。 相關資訊網上現包裝背面圖 《Monster Hunter: World》容量只有16GB (Jan 9, 2018) 【有片】電動變形！日本高手自製《Monster Hunter》充能斧 (Dec 26, 2017)

  嘩！芒亨4主機！？唔係呀，係《Monster Hunter 3G》嘅同梱主機咋，而且只係純黑色，冇艾露貓亦都冇乜龍物龍，唯一新意係同梱版唔係連實質遊戲，而係下載版《Monster Hunter 3G》遊戲已經預先下載咗喺部主機入面，睇嚟任記真係好想推動下載遊戲潮流。齋黑色主機會喺11月1日發售，售價18,900日元；而同梱版主機連SD HC卡嘅就賣21,800日元。 相關資訊新片速報 3DS變釣魚竿 《爆釣バーロッド》玩AR掃Barcode (Jan 17, 2018) 【2018出GAME表】 1月至2月 [PS4 / XBox One / Switch / PC / 3DS / PS Vita] (Jan 7, 2018)

Xbox360/PC嘅《Monster Hunter Frontier》下年先出G版，不過啱啱廠方就發佈咗進化情報，10月17日預定更新，仲有兩條片睇。雖然唔係第四集嘅新情報，不過悶悶地都不妨睇吓。 相關資訊【有片】虐殺級數 《Monster Hunter: World》Beta極速殺「ドスジャグラス」 (Dec 14, 2017) 【有片】《Monster Hunter: World》Beta見新怪 古代樹之森「プケプケ」 (Dec 11, 2017)

仲未睇夠TGS？仲想睇芒亨情報？啱喇，Capcom官方頻道就發佈咗一條現場影片。不但有現場靚女、攤位，仲有遊戲片段、製作人台上訪問片，兼宣佈同Uniqlo等品牌嘅新合作計劃等。遊戲下年3月就出，到時又大把人買機咯！ 相關資訊【有片】進入異世界 日本機迷玩《Monster Hunter: World》奇妙事 (Dec 10, 2017) 【無私】實用！香港機迷自製《Monster Hunter: World》中文操作說明 (Dec 10, 2017)

其實呢段報導有啲無聊，但係見有靚女，仲係噚日我覺得會場內最可愛嘅一個，拎住個手掣，我唯有照post。咁用3DS玩芒亨就當然唔可以唔加呢個右邊操控桿啦，就係咁嘅，佢哋宣佈會為加大版3DS LL推出呢個手掣咁解囉，因為《Monster Hunter 4》下年3月出喇嘛。 相關資訊【有片】狩獵解禁 《Monster Hunter: World》Beta瘋狂亂玩 (Dec 10, 2017) 新片速報 《Monster Hunter: World》艾露貓變Rockman (Dec 9, 2017)

喺TGS排成粒幾兩粒鐘隊試玩，呢個動作相當奢侈，日本《Fami通》就連拍咗三段試玩片，睇到新武器操蟲棍又幾好玩，仲有實機遊戲畫面可以睇到。我哋編輯都仲排緊，偷睇住人哋嗰啲先，唔該唔該。另外亦有推出日期公佈，就係2013年3月，等多陣，再唔該！ 相關資訊新片速報 狩獵前做好準備 《Monster Hunter: World》官方試玩指南影片 (Dec 9, 2017) 新片速報 PS4《Monster Hunter: World》7片齊發 貓做主角 (Dec 1, 2017)

3DS隻《Monster Hunter 4》個個吼住，今日東京遊戲展TGS開幕，裏頭就梗係有個大攤位！除咗大量性感Show Girl之外，官方都發佈咗喺會場播放嘅最新宣傳片，有遊戲畫面又有劈龍場面，快睇！仲有，俾我講多句，為咗影相拍片，我排唔到隊攞個芒亨袋呀頂你！ 相關資訊【有行貨】12月開訂 《Monster Hunter: World》特別版PS4 Pro賣$3,680 (Nov 20, 2017) 新片速報 6秒一條 《Monster Hunter: World》古代樹之森「怪物」圖鑑 (Nov 17, 2017)

日頭個發報會有價錢有發售日，但介紹得兩隻跟機遊戲，唔係啩？真係唔係，任天堂夜媽媽先嚟料，一口氣公佈幾隻跟機遊戲，當中就有呢隻《Monster Hunter 3G HD Ver.》，舊game高清化都咁大件事？係喎，可能會利用GamePad有新嘢玩呢？入面有條熱辣介紹片段，仲講到Wii U版可以同3DS連動！遊戲同主機一樣12月8日推出，仲有連主機同梱版本，38,850日元！其他遊戲影片，陸續有嚟，留意！ 相關資訊《Monster Hunter: World》官方Twitter 公開搬蛋公會情報 (Nov 10, 2017) 新片速報 《Monster Hunter: World》海外版13分鐘協力Gameplay (Nov 2, 2017)

前幾日報導條同人《俄羅斯方塊》真人版電影預告片，好多朋友睇完當堂嚇一跳。而另一個更震撼嘅消息就係《生化危機》系列導演Paul Anderson喺日本記者會度話會開拍《Monster Hunter》真人電影！「我同老婆Milla Jovovich都好鍾意打機，我都好鍾意打芒亨，而電影化嘅計劃o依家就籌備緊！」以下呢張圖，係我喺外國遊戲網Game Radar偷嘅，笑死我！ 相關資訊新片速報 《Monster Hunter: World》最新影片 PS4獨佔聯乘《Horizon Zero Dawn》 (Oct 31, 2017) 日本網民分享芒亨圖 木顏色繪圖Twitter熱傳 (Sep 28, 2017)

係，我認，今次GameoverHK係慢過人兩日，不過遲報好過冇報，唔好咁小氣啦！講緊嘅係下年春天推出嘅《Monster Hunter 4》，呢隻足以再令3DS銷量激增嘅作品，喺官網發佈咗新情報，就係個名好曳嘅新武器「操蟲棍」，同時都有全新動作，就係跳躍攻擊！另外，網站都公開咗今集會收錄大劍、太刀、大槌、狩獵笛、單手劍、雙劍、長槍、銃槍、斬擊斧、弓、輕弓鎗、重弓鎗全12種武器。 相關資訊【有片】東京遊戲展 波多野結衣去《Monster Hunter》攤位玩燒肉 (Sep 22, 2017) 新片速報 「芒亨」參戰！《Marvel VS. Capcom: Infinite》雙劍大劍總攻擊 (Sep 21, 2017)

又係周年記念！日本消息，噚日喺東京舉行嘅「Monster Hunter Frontier誕生5周年MHF感謝祭2012」中，Capcom就公佈Xbox360/PC嘅《Monster Hunter Frontier》會喺下年4月推出G版。先係小野義德上台多謝大家支持，之後仲有製作人杉浦一徳同宮下輝樹上台，今次G版將會加入新龍、G級武器、防具、新技能、新屬性等新原素，新嘅G級武器會多達150種，防具60種，新技能30多種，仲會有4個以上嘅新屬性！以下仲有大量圖片！Square Enix翻炒雷姐俾人鬧爆，唔知芒亨有冇免疫呢…… 相關資訊【新片速報】日本喵星人陪玩芒亨 等Load Game可以摸喵 (Feb 17, 2018) 【新片速報】日本芒亨真人版「貓飯片」 分鏡/配樂跟到足 (Feb 15, 2018)