Post Tagged with: "P圖"

日本網民鞭屍      Rose Ma「Friend zone」相再被P圖
by / on 09/05/2018 at 7:33 am

日本網民鞭屍 Rose Ma「Friend zone」相再被P圖

大家都記得呢張相嘞,香港模特兒Rose Ma同美國著名電競選手Justin Wong嘅「Friendzone」相,之前都熱傳過,一個做心心手勢,另一個只係俾「Like」,以為件事完咗,點知最近又俾日本網民拎出嚟鞭屍。有日本網民放埋另一位格鬥遊戲選手暴君小川嘅合照,大家都有相同遭遇,之後網民仲將兩個被傷害嘅心P埋一齊‥‥ 相關資訊超方便!日本麻辣婆婆「單手食」版 唔駛整污糟隻手 (May 26, 2018) 【有片】日本痴漢出沒注意 偷拍影片Twitter熱傳 (May 26, 2018)

Read more ›

惡搞超級英雄 P出競選議員圖
by / on 20/04/2018 at 8:08 pm

惡搞超級英雄 P出競選議員圖

超級英雄成日俾人改圖,見怪不怪,今次輪到面書專頁「加點吉拿棒」發功,將洛基、美國隊長、鐵甲奇俠、雷神奇俠、變形俠醫同黑寡婦等英雄,Key成競選議員海報,加埋配合角色造型同異能嘅Slogan,真係幾搞笑吓。雷神Thor嘅競選口號,我覺得最搞笑,甚麼「能問題的唯一解藥」、「用我發電」、「全民電費我包辦」、「分區限電!絕不發生!」真係笑爆嘴。 相關資訊超級英雄「替身」特集 《復仇者聯盟》全員出動 (May 19, 2018) 【圖集】還原Marvel超級英雄真面目 網民貪新棄舊 (May 11, 2018)

Read more ›
《Vanity Fair》P圖災難 巨星變3手3腳Twitter熱傳
by / on 27/01/2018 at 10:50 pm

《Vanity Fair》P圖災難 巨星變3手3腳Twitter熱傳

今時今日P圖好普遍,不過今期嘅《Vanity Fair》封面就成為咗網民嘅笑柄。13位荷里活巨星做封面,有Wonder Woman Gal Gadot、Nicole Kidman、Robert De Niro、Tom Hanks等等,不過最搶眼原來喺左手邊。有網民發現Reese Witherspoon竟然有3隻腳!件事喺Twitter好多人討論,之後Witherspoon好幽默咁回覆,話希望大家接受佢,而雜誌就回覆話自己無P圖,只係條底裙造成嘅錯覺。不過好快有網民發現另一張behind the scene嘅相入面,Oprah竟然有3隻手!Oprah亦好幽默咁喺Twitter回覆Witherspoon,話會接受對方有3隻腳,因為佢自己都有3隻手。件事令《Vanity Fair》好尷尬,不過就成功成為網上焦點,希望負責執相嗰位大佬平安無事啦。 相關資訊【圖集】時裝界災難 網上cosplay專門惡搞名牌衫 (May 26, 2018) 日本網民神級地毯畫 《龍珠》阿樂被爆死 (May 25, 2018)

Read more ›
零違和!太子地鐵站菲利塗鴉!原來係江記P圖!
by / on 01/11/2017 at 9:00 am

零違和!太子地鐵站菲利塗鴉!原來係江記P圖!

好老實,初頭見到呢張太子地鐵站坐椅塗鴉相,我即時心諗:「咁都得?」又幾零違和喎,面相固然似菲利啦,襯色尤其一絕呢下先好嘢,而又老實,直至我放大張相望真之前,我係有少少俾佢Fake到嘅。邊個佢?咪就係江記囉,原來呢張P圖係出自佢之手,乜得佢咁好創意,而又P圖咁天衣無縫,要讚!不過我諗連江記本尊都諗唔到有咁多回響,連傳媒都信而為真搵佢報料,搞到佢要即刻出Post澄清以正視聽,出圖話:「Sorry呀!呢張PS嚟架……我真係玩吓無諗過咁多人以為係真架,頭先仲有記者msg我……我好淆呀依家!」淆乜吖,為大家帶來歡樂,為沉悶嘅生活帶來笑聲,誠一大好事也,有乜好淆?畀啲掌聲江記唔該,啪啪啪啪啪。 相關資訊【有片】日本列車遇「菲利」?幾多億能量廣播? (May 5, 2018) 江記《離騷幻覺‧刺秦篇》荊軻變歌奴匕首變錄音帶? (Apr 11, 2018)

Read more ›
【P圖大戰】喵星人「臉大樣細」好古怪 網民瘋狂改圖
by / on 19/07/2017 at 7:12 am

【P圖大戰】喵星人「臉大樣細」好古怪 網民瘋狂改圖

喵星人經常成為P圖大戰嘅原材料,最近外國網民發起咗呢個P圖戰,玩法係將啲喵星人嘅五官縮細,於是出現咗臉大樣細嘅搞笑情況,又恐怖又搞笑,入嚟有得慢慢睇。 相關資訊【成功上樓】小黑喵變大黑喵 被領養喵星人超幸福 (May 25, 2018) 日本喵星人影寫真 懷舊甫士超有少女味 (May 23, 2018)

Read more ›
【P圖大戰】喵星人誤闖球場圖集    球員英勇撲喵
by / on 17/07/2017 at 7:34 am

【P圖大戰】喵星人誤闖球場圖集 球員英勇撲喵

又到P圖大賽,早幾日喺日本Twitter見到幾張「球場上的喵星人」嘅改圖,好精彩,今次有多啲圖可以睇。原來佢哋來自外國網站嘅P圖活動,估唔到球員同喵星人放埋一齊可以咁夾,手痕嘅可以入去玩埋一份。 相關資訊日本真實版《龍貓》 喵星人瞓巨型毛公仔Twitter熱傳 (May 23, 2018) 日本大阪cafe三代貓 喵星人與貓頭鷹和睦共處 (May 22, 2018)

Read more ›

【P圖精選】最強P圖一次過睇晒 Happy Friday睇完放工
by / on 30/06/2017 at 7:37 am

【P圖精選】最強P圖一次過睇晒 Happy Friday睇完放工

終於捱到星期五,嚟緊兩日又可以做返自己,今日梗係要hea住做嘢輕鬆吓。外國網站最近將佢近年搞嘅P圖大賽整合,做咗個精選特集出嚟,全部作品都係精英中嘅精英,好好睇。原來特朗普被惡搞嘅密度極高,又原來,外國嘅P圖高手好鍾意玩動物,入嚟有得慢慢睇,睇完啱啱好收工,爽! 相關資訊日本「最強流派」喵喵拳 網民狂出圖回應 (May 14, 2018) 日本夏天最強飲品 便利店買3樣嘢自己組合 (Apr 27, 2018)

Read more ›
【P圖大戰】超可愛北極熊仔Say Hi   變拳證/ 軍醫/扮嗌埋單
by / on 28/05/2017 at 12:36 pm

【P圖大戰】超可愛北極熊仔Say Hi   變拳證/ 軍醫/扮嗌埋單

最鍾意睇外國嘅P圖大戰,今次主角係一隻可愛到暈嘅北極熊仔。話說攝影師Philip Marazzi去咗加拿大影野生動物,點知影到呢張熊仔舉手say Hi嘅得意圖,之後網民開始發起改圖,有人喺前面加個聖誕老人,有人放佢喺餐廳扮嗌「伙記埋單」,仲有喺拳賽扮拳證、戰地扮軍醫,全部都好高質,入嚟有得睇! 相關資訊超可愛《死侍》多士爐USB 彈出彈入手痕專用 (May 26, 2018) 【有片】超可愛雀仔短片 一齊轉超搞笑Twitter熱傳 (May 19, 2018)

Read more ›
【P圖大戰】網民帶喵星人遊世界 去完「天空之鏡」去「貓之島」
by / on 07/03/2017 at 7:10 am

【P圖大戰】網民帶喵星人遊世界 去完「天空之鏡」去「貓之島」

又到P圖時間,今次被P對象係一隻喵星人同佢背脊揹住嘅馬騮仔。主人Kokosempai話佢哋好想去旅行,所以誠邀網民帶佢哋遊世界。高手雲集大家都出力幫忙,有人Key佢哋去靚到極點嘅天空之鏡「玻利維亞」,有人帶佢哋去日本貓島,仲有大陸馬騮山、佛羅里達州撐船。不過無論去到邊,佢個樣都好似有啲愁,係咪因為要揹住隻馬騮? 相關資訊【新片速報】日本喵星人出動 牛仔褲「貓鬚」製造工場 (May 20, 2018) 【相集】喵星人大得好快 日本熱傳對比照超可愛 (May 18, 2018)

Read more ›
【騙案】韓國網上熱傳美女P圖 長頸男激似《寄生獸》
by / on 18/01/2017 at 7:08 am

【騙案】韓國網上熱傳美女P圖 長頸男激似《寄生獸》

呢幾日大家睇朋友喺Facebook嘅P圖應該睇到好飽,不過有靚女嘅地方就有P圖,最近韓國熱傳呢張張相,圖中兩個靚女好搶眼,不過都唔夠後面個長頸男出眾!件事最近輾轉傳到去日本,網民嘅留言好精警:「魔界」、「個男仔有壓倒性嘅存在感」、「喺《寄生獸》入面見過」、「有無高手可以將佢還原?」,之後有網民重提之前P圖P到時空扭曲嘅藤原紀香,話:「可以同藤原紀香進行超自然能力對決!」入嚟有圖睇,係好笑嘅。 相關資訊有片:韓國電視版《街頭霸王》 印度佬變和尚/蘇聯佬變肥仔 (May 21, 2018) 【有片】韓國直播遊戲Super Bunny Man 爆笑死法網上熱傳 (Mar 23, 2018)

Read more ›
【P圖大戰】特朗普雙下巴照被惡搞 網民狂P圖超高質
by / on 01/12/2016 at 7:25 am

【P圖大戰】特朗普雙下巴照被惡搞 網民狂P圖超高質

講真,美國總統特朗普本身係好具潛力被改圖嘅,改上佢今次發一發功,網民即刻做嘢!話說特朗普最近同美國近30名記者會面,期間佢投訴啲記者成日影到佢有雙下巴有損形象。網民知道咗之後決定喺Reddit玩大佢,有人將佢key落蠟燭同雪糕筒,連遊戲《Street Fighter》同電影《魔戒》都出埋嚟,全部都好高質,睇落大家忍咗好耐! 相關資訊《Deadpool 2》外國超正電影宣傳 惡搞知名電影封面 (May 18, 2018) 【圖集】惡搞國家領導人 粉紅裝變諧星零違和 (Feb 3, 2018)

Read more ›

【多圖】P走橋本環奈淚袋     日本網民話好醜樣
by / on 26/11/2016 at 1:39 pm

【多圖】P走橋本環奈淚袋 日本網民話好醜樣

之前都試過P走橋本環奈嘅淚袋,的確相差好大。今次又有日本網民出圖,仲居然話P走咗淚袋嘅橋本環奈好醜樣!老實,睇落有淚袋係靚啲,但無咗都絕對唔醜啦。之後網民玩得好開心,不停幫其他藝人去淚袋,除咗靚女系列嘅石原里美、板野友美、山本美月之外,仲有男星二宮和也都有,最後連蒙娜麗莎都玩埋,乜蒙娜麗莎有眼袋咩?所以效果係無乜分別嘅。 相關資訊可愛無罪?橋本環奈Twitter出睇漫畫圖劇透 (Mar 14, 2018) 【腳呀】橋本環奈新圖 其實對腳唔太粗 (Mar 10, 2018)

Read more ›
【P圖大戰】椰子樹上的雪橇 網民瘋狂惡搞「普京」都玩埋
by / on 05/11/2016 at 12:01 pm

【P圖大戰】椰子樹上的雪橇 網民瘋狂惡搞「普京」都玩埋

本身張相都係好有潛力嘅,隻可愛雪橇唔知點解困咗喺梱椰子樹上面,網民隔住個芒救佢唔到,不過梗係唔會放過改圖嘅機會,今次啲圖好高質,又揸電單車又Pole Dance,仲同地球最強男人普京一齊騎馬,我諗佢自己都無諗過有生之年可以咁多姿多采,入嚟有得慢慢笑。 相關資訊流浪狗狗前後兩個樣 10個月還原變雪橇 (May 12, 2018) 日本網民出手改圖 James Harden變文藝復興圖 (Apr 25, 2018)

Read more ›
日本網民跪求P圖      整爛玻璃窗返公司claim數
by / on 10/10/2016 at 11:02 am

日本網民跪求P圖 整爛玻璃窗返公司claim數

如果有一日因為工作失誤整爛咗個玻璃窗,但係換之前又唔記得影張相,喂咁咪claim唔到錢?有日本網民遇到呢個情況,於是貼圖上2ch搵人幫手P圖,不過出嚟嘅效果搞笑居多,有啲爛得太緊要,有啲就似發生過槍擊案,肯定claim唔返錢。有網民就神回覆,提議樓主再打爛塊玻璃窗影多次‥‥‥ 相關資訊【有片】日本網上熱傳 名古屋「痴漢無雙」 街頭放題級狂摸 (May 25, 2018) 日本女士專用「瞓覺的士」 有得按摩兼卸妝 (May 25, 2018)

Read more ›
【P圖大戰】毛毛蟲揸竹葉變激光劍 網民狂改突入《龍貓》場景
by / on 24/09/2016 at 11:37 am

【P圖大戰】毛毛蟲揸竹葉變激光劍 網民狂改突入《龍貓》場景

首先呢條毛毛蟲都幾得意嘅,但無端端成為咗網民嘅P圖對象就有啲無辜。最近外國Reddit嘅網民又嚟P圖大戰,今次嘅對像係呢條拎住支竹嘅毛蟲,網民發揮創意,將佢P入龍貓動畫入面,仲有星戰、戰場、垂釣、比卡超,連食煙嘅GIF都出動埋,好正。BTW,唔好放大隻蟲嚟睇,其實睇真啲個嘴都幾恐怖。 相關資訊【羨慕】超正可乘坐《龍貓》貓巴士 小朋友專用 (Apr 21, 2018) 【新片速報】藝術家手繪超靚《龍貓》插畫 紀念初生嬰兒 (Jan 31, 2018)

Read more ›