Post Tagged with: "Pen So"

很想要吧? 《阮大勇的影畫藝術》送戲飛紀念證
by / on 13/07/2018 at 9:30 am

很想要吧? 《阮大勇的影畫藝術》送戲飛紀念證

係抵死嘅,我無上網訂書,抵自己得個恨字。話說限量300套嘅《阮大勇的影畫藝術》最佳拍檔原稿限量封套版,已經全部售罄,而Pen So剛剛喺面書透露話會送多張戲飛。真係戲飛,不過係唔可以用嚟睇戲嘅,查實佢係一張以八十年代戲飛為造型嘅紀念證,喺上面仲有1982年印記同獨立編號。呢張紀念證係贈品,出面買唔到嘅,很想要吧? 相關資訊上網買《阮大勇的影畫藝術》送明信片 (Jul 4, 2018) 身為港人有必要擁有《阮大勇的影畫藝術》 (Jun 26, 2018)

Read more ›

離晒譜!Pen So《香港災難》有老翻!
by / on 11/07/2018 at 5:45 pm

離晒譜!Pen So《香港災難》有老翻!

今日Pen So喺面書分享咗一單嘢,話說佢本大作《香港災難》居然有老翻出現,佢如此品評:「一打開我立即笑,我笑是因為一本書同一內容,不同包裝可以相差好遠,本書超薄,膠裝書,但也有少許心思,它是有配件,不過只有兩張相,尾頁更排錯版。」老實,好嘢先有人老翻,即證明《香港災難》受歡迎;又老實,我知買老翻係一億個唔啱嘅,但我好想見吓實物,以獵奇心態揭吓書睇吓同正版有乜唔同。Anyway,想幫襯買正版《香港災難》的話,今年書展有貨,切勿光顧老翻! 相關資訊Pen So《本土回憶》Postcard第二彈 12月5日推出 (Dec 1, 2016) 撐《Project 72》畫展 港漫人的老香港情懷 (Nov 30, 2016)

Read more ›
Pen So《本土回憶:過去的我》不日推出 推新專頁「Pen So Case」
by / on 17/05/2018 at 7:45 pm

Pen So《本土回憶:過去的我》不日推出 推新專頁「Pen So Case」

先來個預告,Pen So嚟緊將會有新作《本土回憶:過去的我》,屬漫畫插圖集,預計2018年書展後推出。另外,佢有個新面書專頁「Pen So Case」,內裡分享咗啲加咗顏色嘅本地地標畫作,如油麻地美都冰室、老尖半島酒店、獅子山下、電車蹤跡等等,當中我最鍾意高街鬼屋嗰張,好有氣氛,大家幫吓手,給個「讚」唔該。 相關資訊Pen So開迷你畫展 解構《香港災難》創作概念 (Oct 21, 2016) 香港原創同人誌即賣會 撐《Comic O》一書18個故事 (Sep 30, 2016)

Read more ›
Pen So送新年Postcard 想攞唔該留意佢面書
by / on 26/12/2017 at 9:47 pm

Pen So送新年Postcard 想攞唔該留意佢面書

Pen So繼續優良傳統,年尾繼續送新年Postcard,佢手畫唔使多介紹喇,兩個字──精細,我自己好想要了,唔知大家又點睇?想要?請留意Pen So面書,聽晚十點會詳述領取方法,咁攞完Postcard咯,勿忘畀番個Like,報告完畢。 相關資訊有片:Man僧書展出Postcard? (Jul 18, 2018) 張君豪送賀年Postcard 蛋散變英雄 (Feb 7, 2018)

Read more ›
有片:聽歌+睇畫 《九龍城寨──場景故事畫集:浪漫大逃亡》主題曲
by / on 28/09/2017 at 4:15 pm

有片:聽歌+睇畫 《九龍城寨──場景故事畫集:浪漫大逃亡》主題曲

仲記唔記得書展期間余兒為谷書,《九龍城寨──場景故事畫集:浪漫大逃亡》附送人手錄製嘅同書名主題曲錄音帶一盒?家陣喺YouTube有得聽喇。Ziyan Tung主唱,配Pen So嘅畫,主題曲有故事,故事有如此解釋──「女主角藍男,憑歌寄愛向男主角火兒隔空唱出心聲。藍男重遊每一處她曾與火兒到過的土地,把目光所及的九龍城寨各式場景,逐一描摹:櫛比鱗次的奇特建築群、富有特色的店舖、故事中虛構的環境……觸景,見情。」唔係吹水,歌係唱得幾好聽嘅,歌詞亦OK,睇畫聽歌一次過,意境即時高晒,個腦有晒畫面呀喂,唔信自己聽吓。 相關資訊書展幫襯創造館攤位$200 送《我們,在創造。》特刊 (Jul 14, 2018) 余兒《今晚打喪屍》桌遊書展首發 (Jul 7, 2018)

Read more ›
Pen So x Audi畫車 Showroom有得睇
by / on 31/08/2017 at 10:15 pm

Pen So x Audi畫車 Showroom有得睇

Audi又關Pen So事?關,不過唔係請佢試車Or做車模,而係聯乘佢畫幾幅A5畫介紹A5 Sportback,以作官方攝影比賽之用。好嘢梗唔可以收收埋埋,Pen So話作品遲啲會陸續喺面書發放,而有時間的話,大家可以直接去Audi Showroom睇真跡,報告完畢。 相關資訊【有片】賣$300幾萬港幣 《Final Fantasy》特別版超跑 (Nov 12, 2016) 神級攝影師影Audi 唔用真車用玩具車零PS (Oct 17, 2016)

Read more ›

Felix Ip x Pen So開繪本大師班 一堂過分享創作心得
by / on 11/08/2017 at 8:15 pm

Felix Ip x Pen So開繪本大師班 一堂過分享創作心得

計筆風其實好兩極,Pen So《九龍城寨──場景故事畫集:浪漫大逃亡》何其精雕細琢,Felix Ip嘅《Robox Sketchbook》又何其豪邁奔放,兩個人加埋一齊會有乜化學效果?參加佢兩位聯合舉辦嘅繪本大師班,唔知可唔可以略窺一二?一堂過,到時佢哋會分享創作點滴、入行經歷同指導同學仔創作漫畫或繪本技巧,唔知大家有無興趣呢又? 相關資訊Felix Ip《香港重機》Figure曝光 廢箱重機+垃圾俠登場 (Jul 17, 2018) Felix Ip x 人人搬屋 x Tinbot貨車機械人曝光 (Jul 7, 2018)

Read more ›
動漫基地《較‧量──香港漫畫力量》 Pen So+謝森龍異Art Jam
by / on 11/07/2017 at 10:45 pm

動漫基地《較‧量──香港漫畫力量》 Pen So+謝森龍異Art Jam

記唔記得今年年頭,有九位港漫人飛咗去法國參加安古蘭國際漫畫節?呢個項目依家移師香港,名為《較‧量──香港漫畫力量》,舉辦地點係香港動漫基地。呢個展覽設講座、現場繪畫示範同分享會,參與畫家有曹志豪、葉偉青、林祥焜、柳廣成、小雲、蘇頌文、謝森龍異、袁家寶同余兒,而Pen So同謝森龍異已率先Art Jam,準備緊幅大作For展覽之用,兩人邊作畫邊吹水邊互窒嘅過程,YouTube有得睇,都幾好笑嘅。 相關資訊動漫基地《笑聲滿載──上官小強漫畫精選》展覽 向強哥致敬 (Jun 6, 2018) 動漫基地換新裝 換邱福龍Q版海報返屋企 (Jun 5, 2018)

Read more ›
書展必搶《七十二行》實體書
by / on 09/07/2017 at 1:00 pm

書展必搶《七十二行》實體書

今年書展,有一本書我係必買嘅,就係Eric Ng、Pen So同曹志豪擔頭嘅《七十二行》,唔使多介紹,淨係掟一咋參與畫手個大名出嚟,我諗都好難唔買。負責插圖嘅畫手有009、Alan Wan、Cha Cha Chan、Cody Chow、Cuson、Man Tsang、Noel Mok、Pariz Wong、Pen So、Peter Ng、Tony Yim、Yeung Siu、甘小文、白水、米奇、亞傑多、夏偉義、袁家寶、張君豪、曹志豪、梁光明、梁偉安、梁偉家、梁瑋豪、畢亦樂、陳科琳、葉明發、塵阿力、鄧達軒、蕭世順、戇男,主題當然係香港老行業,仲有文字介紹作補完,估計應該好襟睇吓。家陣封面曝光,型到一個點,唔買係你損失,我話嘅。 相關資訊世界盃落幕 甘小文嚴選最佳最差11人 (Jul 16, 2018) 有啲唏噓 Cuson書展出《4張幾單身日記》 (Jul 2, 2018)

Read more ›
網圖分享:Eric Ng的面書版「七十二大圖集」
by / on 29/06/2017 at 12:00 pm

網圖分享:Eric Ng的面書版「七十二大圖集」

好早知道大好人Eric Ng會聯同曹志豪推出《七十二行》實體畫集,畫集會喺書展出版,有三十幾個畫手參與,另有四十幾幅插圖,會集畫、相同文字於一身,我係好拭目以待嘅。書展未到,畫集未有得睇,但可以睇住面書版迷你「七十二大圖集」先,Eric Ng力邀眾畫手用Q版畫香港老行業,每星期Share十張畀大家欣賞。靚畫固然好睇,睇完,你又估唔估到畫緊乜老行業? 相關資訊Felix Ip《香港重機》實體化 聯乘《TinBot》出機械人公仔? (Jun 26, 2018) 張君豪爛口乖x港漫系列畫板 爆粗都可以好過癮 (Jun 18, 2018)

Read more ›
明玩嘢!Pen So設計透明利是封!入幾多錢一眼睇穿!
by / on 09/05/2017 at 9:30 pm

明玩嘢!Pen So設計透明利是封!入幾多錢一眼睇穿!

收利是最過癮係乜?有得甩囉,十蚊?廿蚊?五條?紅衫魚?一日唔拆一日都唔知有幾重手。不過弊傢伙咯,呢種過癮感覺將會隨住Pen So設計嘅透明利是封消失,鬼咩,透明喎,裡面有幾多錢一目了然,正正係派嗰個要有勇氣,收嗰個唔可以嫌錢少動氣。圖案方面,有「雙喜」同「福」字選擇,各售$48。 相關資訊網圖分享:高水準鬼月賀圖晒冷 野士創工送《屍殺列車》記事簿 (Aug 31, 2016) 必搶Pen So x《九龍城寨》Postcard 一套七卡$60 (Jul 20, 2016)

Read more ›

《P72七十二行》展覽上網有得睇 18張畫作晒冷
by / on 19/01/2017 at 12:00 pm

《P72七十二行》展覽上網有得睇 18張畫作晒冷

時間不等人,錯過咗就係錯過咗,抽唔到時間睇之前嘅《P72七十二行》畫展,我至今都心有戚戚然。好彩,有關方面喺面書一次過登番晒18幅畫出嚟,兼有埋作者簡介,等大家可以加深認識18位作者同展覽主題,隔住個Mon睇畫當然無咁震撼,但總好過無。加油呀,期待Project 72第二次Event快快出現。 相關資訊超強!Edward Yu的暴走《黑膠人》泥塑曝光 (Jun 12, 2018) 香港藝術中心搞Event 曹志豪+文地貓繪畫灣仔 (Jun 6, 2018)

Read more ›
余兒 x Pen So 《九龍城寨》2017年有新搞作
by / on 04/01/2017 at 7:15 pm

余兒 x Pen So 《九龍城寨》2017年有新搞作

好事!好嘢無理由俾佢停,雖然《九龍城寨》小說正式完結,但余兒喺面書咁話:「不過有關《城寨》嘅其他發展項目,而家先係正式開始。」開始乜呢?家陣尚在賣關子階段,淨係知新作會由余兒編劇,Pen So作畫。Pen So亦已經喺面書發放咗「2017第一張畫」,究竟呢個聯乘企劃係繪本?漫畫外傳?畫集?真真拭目以待。 相關資訊創造館五周年 讚余兒靚仔免費送特刊 (Jul 3, 2018) 余兒《龍頭》包裝盒面曝光 7月18日書展見街 (Jun 26, 2018)

Read more ›
別矣莉亞公主 港漫人出圖悼念
by / on 29/12/2016 at 3:00 pm

別矣莉亞公主 港漫人出圖悼念

喺《Star Wars》裡面飾演Princess Leia一角嘅Carrie Frances Fisher離世,舉世哀念;翌日,其母Debbie Reynolds亦喺商討愛女喪禮事宜其間突然中風,同愛女喺天國團圓。唉,好難過的2016年,不幸事接二連三……港漫人出圖悼念,別矣公主,一路好走。 相關資訊有片:超像真Chewbacca泥塑 用直髮器梳靚毛髮 (May 30, 2018) BB-8+R2D2陪過情人節 送《Star Wars》公仔花束畀女友 (Jan 18, 2018)

Read more ›
Pen So送聖誕Postcard 限量100張
by / on 12/12/2016 at 9:30 pm

Pen So送聖誕Postcard 限量100張

Pen So手畫有幾掂,我諗唔使再多介紹,如果有買佢開嘅《本土回憶》Postcard第一、二彈的話,咁你應該好想儲埋呢張2016聖誕Postcard。今次有啲唔同,唔使科水買嘅,Pen So免費送畀你,限量100張,點先拎到唔該自己睇Post,總之就先到先得,手快有手慢無。 相關資訊【有片】聖誕真好!日本爵士演奏家高木里代子彈鋼琴 (Dec 26, 2017) 【圖集】聖誕大快樂 日本網民浪漫大餐熱鬧實況 (Dec 25, 2017)

Read more ›