Post Tagged with: "POSTCARD"

張君豪送賀年Postcard 蛋散變英雄
by / on 07/02/2018 at 11:49 am

張君豪送賀年Postcard 蛋散變英雄

哎,遲咗收風,唔知派晒未呢?話說張君豪兄製作咗批賀年Postcard,準備免費送畀大家,PM佢留低地址就OK,送完即止。佢喺面書留言話:「希望新一年個個做英雄!」Very啱聽,我都望個個收完精美賀卡,齊齊蛋散變英雄。 相關資訊Eric Ng又送年糕畀老人家 畫手繪畫盒面抵讚(二) (Jan 26, 2018) 丟那星賀年揮春+利是封+貼紙 我真係恭喜你呀! (Jan 24, 2018)

Read more ›

Pen So送新年Postcard 想攞唔該留意佢面書
by / on 26/12/2017 at 9:47 pm

Pen So送新年Postcard 想攞唔該留意佢面書

Pen So繼續優良傳統,年尾繼續送新年Postcard,佢手畫唔使多介紹喇,兩個字──精細,我自己好想要了,唔知大家又點睇?想要?請留意Pen So面書,聽晚十點會詳述領取方法,咁攞完Postcard咯,勿忘畀番個Like,報告完畢。 相關資訊今年「箱根駅伝」最搶鏡 唔係跑手係「麵包超人」 (Jan 2, 2018) 日本新年 遊戲單位賀圖集(下) (Jan 1, 2018)

Read more ›
漫畫Buddy聖誕優惠套裝 漫畫+聖誕卡+Postcard有齊
by / on 11/12/2017 at 7:30 pm

漫畫Buddy聖誕優惠套裝 漫畫+聖誕卡+Postcard有齊

買咗聖誕卡未?未的話,可以考慮「漫畫Buddy聖誕優惠套裝」,包《漫畫Buddy》1至3期、夢漫文化2017聖誕卡、志筆在始「Delete」Postcard一張。吓?之前已經撐齊1至3期《漫畫Buddy》唔想買Double?當聖誕禮物成Set送畀朋友仔囉,等多啲人接觸呢本漫畫,為港漫出一分力,都係好事啫,「熊館」有售。 相關資訊【圖集】睇漫畫學大道理(4) 日本網民再出圖今次有柯南 (Dec 31, 2017) 【圖集】睇漫畫學大道理(3) 日本網民再出圖終於到悟空 (Dec 24, 2017)

Read more ›
司徒劍僑送Postcard 獨一無二親筆頭像
by / on 14/11/2017 at 10:15 pm

司徒劍僑送Postcard 獨一無二親筆頭像

喺「PLAY香港漫畫巡迴展」即場示範作畫嘅司徒劍僑,話有禮物送畀香港讀者喎。唔多,但絕對係物輕情義重,因為係獨一無二親筆畫呀,佢會送出6張喺展覽期間免費派發嘅Postcard,會喺卡背畫角色頭像,仲喺面書問:「大家喜愛那一位呢?至於何時送出大家密切留意專頁資訊。」俾我揀,女嘅我會揀畫溫柔,男嘅我會揀關七。 相關資訊買齊李健良海報+Postcard+杯墊 $440繼續抵到唔信 (Jul 11, 2016) 有著數 廖光祖《She》送四張Postcard (Apr 26, 2016)

Read more ›
崔成安雙節棍連環圖譜Postcard 先睹為快
by / on 01/11/2017 at 10:45 pm

崔成安雙節棍連環圖譜Postcard 先睹為快

真係靚到啪啪聲,公仔主角劉萬梁師傅畫得固然靚,連啲毛筆字體都足堪回味,呢套由崔成安繪畫嘅雙節棍連環圖譜Poster,一套四張,會畫齊總共25式雙節棍招式,甚麼鐵打三角、翻山越嶺、虎口換手、先斬後奏、射棍勢,嘩,好型呀,點可能唔買? 相關資訊崔成安「俠義龍情」環保Tote Bag 每個$120開訂 (Jan 16, 2018) 睇比賽+「十二神將」展覽 雙節棍點只兩碌木咁簡單 (Dec 13, 2017)

Read more ›
周少康「畫出彩龍」展覽 送Postcard同畫報
by / on 26/10/2017 at 10:00 am

周少康「畫出彩龍」展覽 送Postcard同畫報

家陣撐周少康「畫出彩龍」畫展唔單只得個睇字,仲可以又睇又拎,唔係送張輕飄飄傳單仔Or小冊子咁簡單,係真正值得收藏嘅迷你Postcard同畫報。周少康喺面書話:「小小見面禮……我禮晒!」大家請望相,然後公道講句,係咪一啲都唔失禮先?另外,展場仲會有本訪客留名册,If一時畫興大發,歡迎大家直接喺上面畫公仔,睇畫展都睇得投入啲喇。 相關資訊周少康《畫出彩龍》畫展 非一般的李小龍 (Sep 20, 2017) 周少康出「畫出彩龍」Tee 黑白二色每件$180 (Apr 11, 2017)

Read more ›

周少康「畫出彩龍」畫展 出Postcard每套$130
by / on 16/10/2017 at 8:44 pm

周少康「畫出彩龍」畫展 出Postcard每套$130

家陣搞畫展,點都要出番啲精品嘅,周少康「畫出彩龍」畫展都唔例外,今次佢輯錄咗2016年同2017年各十幅靚畫,製成兩套靚一靚Postcard售賣,每套$130。敢稱幅幅佳作,李小龍迷唔可以錯過。提一提,畫展11月2日開皮,大家記得唔好Miss呀。 相關資訊網圖分享:港漫人出圖 賀阮大勇奪專業精神獎 (Apr 10, 2017) 網圖分享:港漫人2017新年賀圖 (Jan 1, 2017)

Read more ›
講個信字 買梁偉家《滅絕遊戲》Postcard唔使落訂
by / on 08/10/2017 at 6:38 pm

講個信字 買梁偉家《滅絕遊戲》Postcard唔使落訂

梁偉家面書報料,因為《滅絕遊戲張道陵畫集》製作需時暫延推出,所以出住《滅絕遊戲》Postcard先,一套10張,內附一幅獨一無二親筆畫,每套$100。好得很!最正係梁偉家話朋友講個信字,私訊佢講聲「要」就得,唔使落訂,咁大家識做啦。佢仲登埋相,Postcard質素著實係高,絕對值得收藏,我話嘅。 相關資訊梁偉家的《快樂秘笈》 限量1000本 (Dec 19, 2017) 梁偉家x胡家寶Jam畫 天師x老祖宗同一時空 (Oct 31, 2017)

Read more ›
《暗黑指紋》Postcard套裝$100 上網有得訂
by / on 12/07/2017 at 10:30 pm

《暗黑指紋》Postcard套裝$100 上網有得訂

去書屋買《暗黑指紋》實體書,但買唔到Postcard?唔使慌,家陣有網上訂購服務,一套有齊〈暗網迷宫〉、〈墮落圖騰〉、〈英雄是從蛋散開始煉成的〉同〈九龍魔窟〉四個古仔共12張,每套盛惠$100。儲書無理由唔儲埋Postcard,落訂喇喂。 相關資訊《暗黑指紋》加入第五指 師太畫熊系基佬 (Sep 4, 2017) 蛋散襟章不日見街 (Jul 26, 2017)

Read more ›
書屋訂購《漫畫Buddy 3》 送Folder+Postcard
by / on 11/07/2017 at 10:15 pm

書屋訂購《漫畫Buddy 3》 送Folder+Postcard

為照顧去唔到書展嘅讀者,但凡喺書屋訂購《漫畫Buddy 3》者,都有禮物仔收,向「至Goal Club」訂購的話,首200讀者即送海武膠Folder一個,向「熊館」訂購的話,首200讀者除Folder外再加送志筆在此《Delete?》Postcard一張。咁親臨書展有無著數呢?無都講唔通啦,去1C-A27攤位購買指定產品,即送金城《霸王達加度》同蕭海安《魔幻月夜天》A4 Poster,開心喇! 相關資訊英雄所見樂瞳 至Goal Club免費派揮春 (Feb 6, 2018) 樂瞳現身「至Goal Club」簽名 寫真集《See La Cilla》重新上架 (Feb 2, 2018)

Read more ›
《暗黑指紋》搞首賣簽名會 出埋Postcard
by / on 27/06/2017 at 10:09 pm

《暗黑指紋》搞首賣簽名會 出埋Postcard

好事好事,越搞越大壇,越搞越聲勢浩大,《暗黑指紋》鐵定6月30日見街,會隆重其事搞埋首日發售簽名會。除咗齋書,亦有Package畀大家選擇,漫畫加4張Postcard盛惠$58,齋買12張Postcard盛惠一條紅衫魚,時間係晚上七點至十點,啱啱好一收工可以捧場。真心Mode,希望大家可以欣賞四位作者嘅熱血,多多支持。 相關資訊阿塗書展出《圖解廣東話Cantonese.jpg》 留意簽名會 (Jul 21, 2017) 2714出黑底白字Tee 蛋散著上身 (Jul 9, 2017)

Read more ›

行動漫授權市場 「森巴Family」攤位送Postcard
by / on 08/01/2017 at 10:00 pm

行動漫授權市場 「森巴Family」攤位送Postcard

今日喺動漫基地開皮嘅動漫授權市場,大家有無捧場呀?我未得閒,估計要遲多一兩日先抽到時間。好消息,其中一個攤位「森巴Family」有嘢送,送乜?送私伙Postcard也。睇相,構圖複雜用色豐富,筆筆都係心機所在,印刷幾精美,值得收藏,見到檔主CK Keung就可以免費攞一張,每日派發,數量有限,送完即止。 相關資訊真‧男人的浪漫 Yas Cheng自資出版《回憶那天-YAS全仕事集》送朋友 (Feb 15, 2018) 睇淡彩靚畫 陳順康《拇指姑娘失蹤探案繪本插畫展》 (Nov 14, 2017)

Read more ›
Pen So送聖誕Postcard 限量100張
by / on 12/12/2016 at 9:30 pm

Pen So送聖誕Postcard 限量100張

Pen So手畫有幾掂,我諗唔使再多介紹,如果有買佢開嘅《本土回憶》Postcard第一、二彈的話,咁你應該好想儲埋呢張2016聖誕Postcard。今次有啲唔同,唔使科水買嘅,Pen So免費送畀你,限量100張,點先拎到唔該自己睇Post,總之就先到先得,手快有手慢無。 相關資訊【有片】聖誕真好!日本爵士演奏家高木里代子彈鋼琴 (Dec 26, 2017) 【圖集】聖誕大快樂 日本網民浪漫大餐熱鬧實況 (Dec 25, 2017)

Read more ›
Pen So《本土回憶》Postcard第二彈 12月5日推出
by / on 01/12/2016 at 11:15 pm

Pen So《本土回憶》Postcard第二彈 12月5日推出

即係好賣喇,唔好賣點會推出第二彈啫,Pen So《本土回憶》Postcard Set Series 2將會喺12月5日見街,今次一套七張,分別為〈新蒲崗〉、〈灣仔〉、〈銅鑼灣‧巨廈〉、〈觀塘‧月華街〉、〈灣仔洪聖廟〉、〈獅子山〉同〈美都餐室〉,幅幅都屬雕龍雕鳳之作,線條好密,像真度極高,心機之所在也。捧場買番套,之後依Postcard所示確實位置影番幅相,斷估都可以呃吓Like喎。 相關資訊有片:聽歌+睇畫 《九龍城寨──場景故事畫集:浪漫大逃亡》主題曲 (Sep 28, 2017) Pen So x Audi畫車 Showroom有得睇 (Aug 31, 2017)

Read more ›
Pen So x《九龍城寨》Postcard $60。
by / on 20/07/2016 at 9:00 pm

必搶Pen So x《九龍城寨》Postcard 一套七卡$60

使唔使畫到咁仔細?就係要!Pen So聯乘《九龍城寨》推出嘅Postcard,張張都可以用「精雕細琢」四個字嚟形容,一套七卡各有名堂,分別為兩張合併為一嘅「拆城」、「魔窟」、「冰室」、「天台」、「花籠」同「龍跡」,無錯,就係畫番《九龍城寨》漫畫版出現過嘅場景,限量150套,每套$60,書展必搶之選。另外,書展期間,幫襯余兒買番本《九龍城寨》小說第三期即送吉祥Postcard,買典藏版《九龍城寨》創刊號即送AV Postcard,送晒就無,都係嗰句,有買趁手。 相關資訊余兒寫過愛情小說! 《那年五月,他和她遇上了。》出修訂版! (Dec 28, 2017) 喪屍圍西貢 創造館小說《異人》不日推出 (Nov 2, 2017)

Read more ›