Post Tagged with: "twitter"

【有片】日本狗狗被迫加粗眉 超無奈Twitter熱傳
by / on 22/02/2017 at 11:10 am

【有片】日本狗狗被迫加粗眉 超無奈Twitter熱傳

貓狗本身都無眉毛嘅,如果夾硬要幫佢加返條會變成點?日本有網民就搵自己隻狗狗嚟估示範,加咗對又黑又粗又囂張嘅眉毛,出嚟嘅效果勁搞笑,難怪喺Twitter好多人RT。可能見反應好,主人繼續出新相,連新片都有,睇嚟有排玩,而狗狗個樣就越嚟越無奈。BTW,入嚟有得回帶睇返呢隻狗狗嘅靚仔相,比個機會佢澄清吓。 相關資訊【有片】有樓萬事Joke?日本貓貓都要買樓 (Feb 22, 2017) 爆Dry恩物 超靚日本燈膽噴濕器 (Feb 22, 2017)

Read more ›

【一圖睇清】日本超詳盡對比圖      「化妝品VS模型工具」男女都明
by / on 22/02/2017 at 7:42 am

【一圖睇清】日本超詳盡對比圖 「化妝品VS模型工具」男女都明

女士嘅化妝品千變萬化,作為男士唔明白都好合理。有日本網民好有心,將每樣化妝品對比成砌模型嘅塗裝工具,張圖係Twitter好多人分享,男士一睇就明。下次唔好再問點解個女仔買咁多化妝品嘞,得閒仲可以同對方交流吓。 相關資訊【有片】日本貓奴裝新門 喵星人玩出禍 (Feb 22, 2017) 【有片】使唔使咁感人?日本喵星人自我增值o氹婆婆 (Feb 22, 2017)

Read more ›
【圖集】日本「猫の日」Twitter大量賀圖    有貓有人有插畫
by / on 22/02/2017 at 7:32 am

【圖集】日本「猫の日」Twitter大量賀圖 有貓有人有插畫

各位貓奴注意!今日係日本嘅「猫の日」,因為2嘅發音「ニャン」同貓嘅叫聲好似,所以日本嘅的寵物團體「社団法人ペットフード協会」就將2月22 日訂為貓之日嘞!日本Twitter搵到大量賀圖,除咗真貓,仲有人扮嘅貓、插畫等等,有人已經率先同班喵星人開大食會慶祝。各位貓奴,今晚有無零食放題先? 相關資訊日本網民狂玩 網站畫貓 撳個掣圖畫變相片 (Feb 22, 2017) 男仔都一樣得 SOD男社員下海拍AV (Feb 22, 2017)

Read more ›
【新片速報】日本喵星人收埋自己    捐黑袋影片Twitter熱傳
by / on 21/02/2017 at 11:12 am

【新片速報】日本喵星人收埋自己 捐黑袋影片Twitter熱傳

可能每次裝隻貓入袋都係帶佢去睇醫生,所以每次拎個袋出嚟,佢離遠見到佢就會匿埋。不過日本呢隻喵星人唔同,主人喺Amazon買咗個袋,佢好自然咁捐咗入去,之後仲越縮越入,索性收埋自己,好似等主人拉埋拉鍊帶走佢咁。難怪樓主都話可以留返有災害時用,喵星人一見就捐入去,快手快腳逃生一流。留意後面坐咗個花生友,全程專睇唔幫手。 相關資訊下周開業 東京站地下扭蛋街 100部蛋機狂扭 (Feb 22, 2017) 【有片】5000蚊東京租超窄屋 外國人驚嘆好細但好正 (Feb 21, 2017)

Read more ›
日本Starbucks黑板畫神人 出post回帶睇舊畫
by / on 20/02/2017 at 11:05 am

日本Starbucks黑板畫神人 出post回帶睇舊畫

噚日介紹過呢位日本嘅「黑板畫」神人,有網民影到Starbucks門口幅黑板畫好靚,忍唔住影相放上Twitter,點知吸引好多人RT,連創作者都留言。呢位創作者asato啱啱忍唔住喺Twitter出新圖,將佢之前幫Starbucks創作嘅其他黑板畫放埋上網,全部都勁靚!好多人大讚佢畫嘅3D字體好特別。咁高質,難怪每年都要出動啦。 相關資訊日本自動唱錢機 羽田機場有得玩 (Feb 21, 2017) 新玩法?保鮮紙舖面 角色臉都紅 (Feb 21, 2017)

Read more ›
日本Starbucks職員出手 超靚黑板畫Twitter熱傳
by / on 19/02/2017 at 11:13 am

日本Starbucks職員出手 超靚黑板畫Twitter熱傳

每年到呢個時間,日本嘅Starbucks就會推出櫻花系列飲品同埋咖啡杯,去開日本記住要行吓。有日本網民最近經過Starbucks,發現門口嘅黑板畫咗幅好靚嘅黑板畫,宣傳Sakura Blossom Cream飲品,佢忍唔住影咗相放上Twitter,仲話估計Starbucks嘅職員之前應該係修讀美術嘅。張相喺Twitter火速被熱傳,原作者仲好快現身多謝樓主讚賞添。講開又講,今次嘅Sakura Blossom Cream有Frappuccino同Hot Latte兩款口味,啲櫻花杯仲靚到痴線,入嚟有得睇,不過估計已經無晒貨嘞。 相關資訊日本攝影高手再出圖 Iron Man新武器係精靈球 (Feb 21, 2017) 日本家居小工具 超強力貼紙負重150公斤 (Feb 21, 2017)

Read more ›

日本喵星人試坐「牛角包咕臣」 姿勢超嘆Twitter熱傳
by / on 19/02/2017 at 10:53 am

日本喵星人試坐「牛角包咕臣」 姿勢超嘆Twitter熱傳

睇完呢個示範,作為貓奴應該好難忍手唔買。日本有網民最近喺樂天市場買咗呢個牛角包咕臣,本身造型已經夠搞笑,不過當佢隻貓挨埋去瞓嘅時候,肚皮朝天坐到咁嘆,即時令人好想笑出嚟。輯相放上Twitter後好多人熱傳,樓主仲大方分享埋網站連結。原來呢個牛角包只係賣925円咋,好想買呀! 相關資訊日本超靚櫻花貼紙 粉紅漸變花瓣自由組合 (Feb 21, 2017) 【有片】日本大風雪下驚現「肥雪犬」 無懼風雪輕鬆漫步 (Feb 21, 2017)

Read more ›
【相集】日本喵星人廚房「怒企」 不滿表情Twitter熱傳
by / on 17/02/2017 at 7:22 am

【相集】日本喵星人廚房「怒企」 不滿表情Twitter熱傳

喵星人有咩唔鍾意都擺晒喺塊臉度,好似呢隻日本喵星人嘅不滿表情最近就喺Twitter熱傳。話說佢喺廚房等待中,相信都係等嘢食嘞,不過可能主人掛住影佢,搞到佢企都企都攰,仲露出超不滿嘅表情。BTW,呢隻喵星人好鍾意企,入嚟有多啲佢嘅靚相睇,可愛程度達到宇宙級。 相關資訊極速壽司 日本網民迴轉壽司店練動態攝影 (Feb 20, 2017) 【係咪太勁?】有片:竟然係模型 超像真玩具房 (Feb 20, 2017)

Read more ›
【拆解】日本女仔影相蠱惑招數    加圖案著樽領衫Twitter熱傳
by / on 16/02/2017 at 7:32 am

【拆解】日本女仔影相蠱惑招數 加圖案著樽領衫Twitter熱傳

千祈唔好相信網上見到嘅女仔相,除咗P圖之外,其實女仔仲有好多影相嘅技巧。日本有網民分享咗幾張圖,一睇即刻明晒。例如好多時會喺張相加個得意圖案遮住臉嘅一小部份,其實拎走個圖案後,可能係爛牙或者大細眼。又例如好多女仔鍾意舉V字勝利手勢,其實有小顏效果,令塊臉睇落細啲,另外呢招仲絕,就係著樽領衫!雙下巴即時睇唔到。都係嗰句,睇得多就有經驗識得趨吉避凶嘞。 相關資訊【圖集】日本囡囡除下口罩後 前後對比圖好震憾 (Feb 20, 2017) 【知足者】一張圖變圖集 貧乳系「夏目花実」 日本網民:「樣可愛咪得囉。」 (Feb 19, 2017)

Read more ›
【新造型】超可愛日本鸚鵡仔 加塊布性感又可愛
by / on 16/02/2017 at 7:15 am

【新造型】超可愛日本鸚鵡仔 加塊布性感又可愛

小小嘅道具,就可以令呢兩隻日本嘅鸚鵡仔脫胎換骨!佢嘅主人對佢哋好好,諗到幫佢哋加塊布仔轉個新造型,睇落性感得嚟又可愛,受歡迎程度即時上升!有無人有興趣試吓? 相關資訊日本奈良3隻鹿仔過馬路 激似The Beatles唱片封面 (Feb 19, 2017) 【有片】日本LEGO高手 自製自動扶手電梯 (Feb 19, 2017)

Read more ›
日本超怕凍喵星人     貼實暖爐同茶壺取暖
by / on 16/02/2017 at 7:12 am

日本超怕凍喵星人 貼實暖爐同茶壺取暖

喵星人好鍾意取暖,所以每當開著暖爐佢哋就會自自然哄埋嚟。不過日本呢隻貓仔似乎好怕凍,除咗掂實個暖爐之外(好危險呀!),佢仲會貼實個茶壺取暖,兩隻肉球真係放喺壺上面,可愛到暈!呢兩張相喺Twitter熱傳中,老實,有隻咁得意嘅貓仔,真係好想攬住佢瞓呀! 相關資訊日本滑雪場見機動戰士 網民以為未瞓醒 (Feb 19, 2017) 【好驚呀!】日本馬騮好兇狠 深山警告牌咬到見血 (Feb 19, 2017)

Read more ›

【新片速報】日本有隻雀仔跌落水 貪玩飲水失手Twitter熱傳
by / on 15/02/2017 at 11:02 am

【新片速報】日本有隻雀仔跌落水 貪玩飲水失手Twitter熱傳

呢隻白色嘅雀仔好可愛,仲好輪盡添。段片最近喺日本Twitter熱傳,片中見到隻雀仔貪玩將個頭塞入水杯度飲水,可能飲得太投入,越伸越低,之後失手跌咗落隻杯入面,然後兩隻翼夾住夾住,腳仔伸吓伸吓,掙扎咗一輪最後終於成功上岸。可能知道自己失手樣衰,佢即刻扮無嘢周圍望,但係成個過程其實已經俾主人拍咗放上網‥‥‥好彩大家都讚佢可愛,下次唔好咁貪玩嘞。 相關資訊【理想與現實】日本最可愛自拍女高中生 網民:「第二位好想打佢」 (Feb 19, 2017) 【有片】日本女高中生Pose演變史 V手鴨嘴講到1684年 (Feb 18, 2017)

Read more ›
打街機坐姿圖日本Twitter熱傳   「前傾型」最常見
by / on 14/02/2017 at 7:33 am

打街機坐姿圖日本Twitter熱傳 「前傾型」最常見

利申,我係前傾型。睇人打機嘅姿勢其實都幾有趣,好似日本網民就畫咗幾幅圖,將打街機嘅人分成4類喺Twitter吸引好多人轉發。其中前傾型應該最常見,咁打機打得投入,就會自不然向前傾啦,有時個口仲會微微張開添。另外仲有側側哋撟腳坐方便隨時輸咗走人;坐到好直好優雅嘅人同埋肥肥哋露股型,入嚟有真人圖。你又屬於邊一種? 相關資訊【你有冇試過】搣甩四角開唔到 日本網民悲劇圖 (Feb 18, 2017) 日本畫師新作 水墨畫Iron Man極靚 (Feb 18, 2017)

Read more ›
【青梅竹馬】日本喵星人與咸蛋超人    由細玩到大超有愛
by / on 11/02/2017 at 3:22 pm

【青梅竹馬】日本喵星人與咸蛋超人 由細玩到大超有愛

呢隻日本喵星人好多人都見過,佢本來係隻流浪貓,之後俾主人收養咗,主人仲介紹咗自己心愛嘅咸蛋超人俾佢識,兩個仲做埋好朋友經常一齊玩一齊瞓。眨吓眼原來呢隻喵仔已經一歲嘞,身型仲越嚟越漲爆!入嚟有佢哋嘅新舊相同埋影片睇,真係好可愛呀! 相關資訊【有片】日本Uniqlo新片 新垣結衣好飄逸 (Feb 18, 2017) 【圖集】日本神級「粘土達人」 海鮮丼真嘅一樣 (Feb 18, 2017)

Read more ›
日本「喵星人肩帶」Twitter熱傳   極像真睇落好重磅
by / on 11/02/2017 at 3:07 pm

日本「喵星人肩帶」Twitter熱傳 極像真睇落好重磅

呢條喵星人肩帶唔知點賣法呢?揹上膊唔知會唔會好重?呢兩張圖放上Twitter後好多人RT,因為隻貓實在太像真!真係要睇到張近鏡圖先敢肯定呢隻貓係假嘅。入去佢Twitter仲會見到好多像真度近乎100%嘅喵星人產品,而佢亦經常搞展覽,亦有開班教學。至於呢條肩帶發售日未定,但係揹出街肯定會極注目,應該好多人想摸吓佢。 相關資訊【有片】職業無分高低 山田孝之賣咖啡有意義 (Feb 17, 2017) 麵包超人車現身日本?警察追捕非法改裝 (Feb 17, 2017)

Read more ›