Post Tagged with: "twitter"

【有片】日本女仔公開整容前後     對比超大Twitter熱傳
by / on 31/05/2018 at 7:08 am

【有片】日本女仔公開整容前後 對比超大Twitter熱傳

整容越嚟越普遍,喺日本仲越嚟越多人公開承認自己整容。繼之前有位cosplayer用700萬円整容後(入嚟有回帶),最近呢個叫早川嘅日本女仔都喺Twitter放咗自己整容前後嘅對比相,吸引勁多人留言。睇相好難相信係同一個人,佢話自己主要整咗對眼同加建咗個鼻,另外下顎都整過,令佢由國子臉變V煞臉,再加上佢用咗1年半減肥,由85公斤減到52,所以效果咁驚人!錢方面就整眼用咗50萬円,下顎用咗5萬円,同上次700萬円整容嗰個日本cosplayer比平好多,入嚟有多啲佢嘅相回帶。 相關資訊【有片】網上熱傳 日本人試深圳「完全無人食堂」 (Jun 25, 2018) 日本足球英雄本田圭佑 可愛敬禮動作Twitter熱傳 (Jun 25, 2018)

Read more ›

【有片】史上最曳「熊本熊」 大整蠱電視節目Twitter熱傳
by / on 31/05/2018 at 7:01 am

【有片】史上最曳「熊本熊」 大整蠱電視節目Twitter熱傳

熊本熊外表好可愛,但係其實性格超曳,最鍾意整蠱人,不過估唔到今次玩到咁大。喺呢個日本電視節目入面,有人買咗碗拉麵,準備坐低點知俾隻熊偷偷哋拉開咗張椅‥‥‥碗麵有幾熱辣辣大家都估到,當事人嘅反應都好傳神,後面班小朋友就學壞晒嘞!入嚟仲有回帶睇返呢隻曳熊之前嘅其他惡行。 相關資訊【新片速報】日本鴨仔超鍾意食西瓜 摩打嘴啄食Twitter熱傳 (Jun 24, 2018) 超強痛車日本Twitter熱傳 迷你模型塞爆全車 (Jun 23, 2018)

Read more ›
【新片速報】寄艙行李無好下場     職員掟喼短片Twitter熱傳
by / on 30/05/2018 at 7:35 am

【新片速報】寄艙行李無好下場 職員掟喼短片Twitter熱傳

去親旅行,寄艙行李都好易爛,聽聞越貴嘅喼爛得越快。最近網上流傳呢段影片,有人影到夏威夷航空嘅職員處理寄艙行李嘅過程,有人睇完好嬲,有人慶幸自己今朝無擺埋部MacBook入喼,亦有人話其實佢身處嗰個位好熱,佢應該想快啲掟走件行李入返去。BTW,航空公司已經喺自己Twitter回應,話會嚴肅處理事件,至於乘客,貴重易碎嘢都係跟身好啲。 相關資訊【新片速報】日本超可愛柴犬仔 矇眼笑影片Twitter熱傳 (Jun 20, 2018) 三上悠亞著日本波衫 晒長腿撐日本隊 (Jun 19, 2018)

Read more ›
【有片】日本痴漢出沒注意       偷拍影片Twitter熱傳
by / on 26/05/2018 at 12:34 pm

【有片】日本痴漢出沒注意 偷拍影片Twitter熱傳

日本出名多痴漢,自從有手機之後佢哋嘅行為就無所遁形嘞。最近Twitter熱傳呢兩段片,分別有兩個痴漢被偷影,其中一個喺新宿車站入面專向迎面而嚟嘅女士出手批踭,揩人哋個胸,另一個就喺名古屋嘅街道,擔住支煙四圍走,然後不時伸手摸街上嘅女仔。兩段片加埋超過3百萬點擊,好多網民都留言叫拍片者除咗拍片,應該要通報埋警察,拉咗呢啲痴漢,因為佢哋好可能下一次有更激嘅行為。入嚟有片睇。 相關資訊日本地震後遺症 大阪公園出現「流浪貓」 (Jun 25, 2018) 日本動物園長條狀「藪貓」 超長體型震驚網民 (Jun 25, 2018)

Read more ›
日本真實版《龍貓》 喵星人瞓巨型毛公仔Twitter熱傳
by / on 23/05/2018 at 7:20 am

日本真實版《龍貓》 喵星人瞓巨型毛公仔Twitter熱傳

講到瞓覺喵星人幾時都係最醒,最近日本Twitter就熱傳呢幾張相,隻小喵星人好識瞓,揀咗隻巨型嘅貓毛公仔嚟瞓,即時令人諗起動畫《龍貓》,我都好想瞓上去呀! 相關資訊京都喵星人失踪半年 大阪地震後返屋企尋親 (Jun 24, 2018) 【有片】青春小鳥 日本棒球部經理人 收驚喜禮物好感動 (Jun 24, 2018)

Read more ›
日本渋谷任食炸雞 100円放題Twitter熱傳
by / on 21/05/2018 at 7:44 am

日本渋谷任食炸雞 100円放題Twitter熱傳

覺唔覺得日本嘅炸雞特別好食?呢間渋谷嘅居酒屋「宵の空」最近喺Twitter好多人RT,因為佢推出咗100円任食炸雞放題!仲平過Family Mart塊雞扒!可以喺8款炸雞入面任選兩款,仲有特別醬汁點,睇見都肚餓。不過有網民留言話嗌咗要等好耐先到,應該係防止大家食到佢執笠。 相關資訊【有片】日本天才發明 自動掃除電話指模裝置 (Jun 24, 2018) 日本國民美少女高橋ひかる Cos魔法少女/美少女探偵 (Jun 23, 2018)

Read more ›

【有片】超可愛雀仔短片 一齊轉超搞笑Twitter熱傳
by / on 19/05/2018 at 12:49 pm

【有片】超可愛雀仔短片 一齊轉超搞笑Twitter熱傳

星期六好應該睇呢類型嘅得意影片,由日本網民喺Twitter分享,片中嘅雀仔企咗喺個好似單車轆嘅轉輪上面,不過當個轉輪轉動嘅時候,佢依然跟住轉,好好笑,治癒程度超高呀! 相關資訊【新片速報】超可愛狐狸仔敲門 發現被拍網上熱傳 (Jun 24, 2018) 【相集】日本超可愛鸚鵡 捐入襪仔勁得意 (Jun 23, 2018)

Read more ›
【相集】日本Twitter超流行      分享搞笑「貓貓成長對比圖」
by / on 18/05/2018 at 7:52 am

【相集】日本Twitter超流行 分享搞笑「貓貓成長對比圖」

繼一人一張影唔返嘅靚相之後,日本Twitter又有新主題「#これ見た人は子猫が成長した画像貼れ」玩,今次召集貓奴分享佢嘅貓貓成長對比圖。其中呢輯肥貓迫爆車相特別有喜感,一定要拎出嚟貼堂。睇佢細細隻時坐住宅急便嘅紙皮車,再對比返大個咗完全坐唔落仲質爆咗架車嗰張相,完全感受到呢幾年佢有幾幸福!入嚟有得睇埋其他參賽作品,全部都超高質,貓奴唔睇走寶,我都貼到手軟,入嚟慢慢睇。 相關資訊日本網民夜媽媽嚇爆 爛面肯德基叔叔街頭奸笑 (Jun 23, 2018) 世界盃日本贏波 大阪えびす橋震埋一份 (Jun 22, 2018)

Read more ›
日本Twitter超流行    分享「影唔返第二次嘅靚相」
by / on 17/05/2018 at 7:22 am

日本Twitter超流行 分享「影唔返第二次嘅靚相」

早幾日都有報導過,日本Twitter最近超多人用「#二度と撮れない写真を貼れ」呢個標題,將啲好難再影得返嘅靚相放上Twitter分享。 勁在好多出名嘅Twitter帳戶都有玩,而且題材好廣泛,由動物以至風景都有,入嚟有得睇吓最近熱傳嘅作品。 相關資訊日本流傳「百力滋復活術」 網民氹女兒偷偷調包 (Jun 22, 2018) 【有片慎入】日本貓玩醒曱甴 衝去貓奴一聲慘叫 (Jun 21, 2018)

Read more ›
【新片速報】日本網民斟水悲劇 無辜受害Twitter熱傳
by / on 16/05/2018 at 8:28 am

【新片速報】日本網民斟水悲劇 無辜受害Twitter熱傳

不當使用斟水機的確會有危險,好似日本呢位網民,拎住隻紙杯諗住裝杯凍水飲,點知遇到意外。睇嘅時候好難忍住唔笑,又或者你都試過相同遭遇,好彩係凍水,如果係熱水就‥‥‥ 相關資訊【相集】日本黑喵有朋友 毛公仔狗狗擔住周圍走 (Jun 21, 2018) 【有片】日本熱傳《黑洞》手機遊戲 玩法似《塊魂》 (Jun 21, 2018)

Read more ›
【新片速報】日本酒店升降床    網民入住拍片Twitter熱傳
by / on 10/05/2018 at 7:50 am

【新片速報】日本酒店升降床 網民入住拍片Twitter熱傳

香港地呎價咁貴,如果張床係呢種升降床就夠晒慳位嘞。最近有日本網民住咗間酒店,房間入面張床撳個掣就可以升降,佢玩得好開心,仲拍埋片放上網,好快已經過埋一百萬瀏覽。樓主話覺得有啲危險,一個唔覺意撳錯粒掣唔知會唔會夾死咗。不過睇返頂部同底部都留咗啲虛位,無事嘅無事嘅。 相關資訊【有片】哥倫比亞球迷侮辱日女球迷 小學雞教講「我是妓女」 (Jun 20, 2018) 【有片】日本球迷讚有氣度 哥倫比亞球迷恭賀日球迷再幫手執垃圾 (Jun 20, 2018)

Read more ›

日本發現真實版「蜘蛛伯伯」 可愛笑臉似真人Twitter熱傳
by / on 03/05/2018 at 8:25 am

日本發現真實版「蜘蛛伯伯」 可愛笑臉似真人Twitter熱傳

蜘蛛俠大家見得多,呢隻日本網民發現嘅再老啲,係隻真蜘蛛,但就有個好似伯伯一樣嘅笑臉,得意得嚟又有啲詭異。其實佢嘅品種係ハナグモ(花蜘蛛),出名個樣似人,不過今次呢隻就可愛啲,似一個笑緊嘅伯伯。有網民話佢似日本漫畫家「チャーリー野沢」,亦有人話似《薩爾達傳說》入面嘅金克爾。BTW,香港之前都出現過一隻人臉黃蜘蛛,入嚟回帶影片,睇到人心都寒埋。 相關資訊【圖集】摺紙的藝術 超可愛樹人BB/死侍 (Jun 21, 2018) 日本秋葉原神奇特飲 凍結奇異果屹立不倒 (Jun 20, 2018)

Read more ›
奈良鹿仔唔食餅? 日本網民分享圖Twitter熱傳
by / on 02/05/2018 at 7:34 am

奈良鹿仔唔食餅? 日本網民分享圖Twitter熱傳

好耐無探日本奈良班鹿仔嘞,印象中佢哋好進擊,會突襲人類搶鹿餅食,不過原來而家已經唔係咁嘞。最近有日本網民放咗啲相上Twitter,見到班鹿仔對住鹿餅個樣好平靜,變咗佛系鹿仔,再睇返資料,其實上年都有日本遊客影到類似情況,希望佢哋唔係病咗唔舒服啦,又另外遊客記住唔好餵班鹿仔食鹿餅以外嘅食物,以免佢哋食滯咗。 相關資訊日本網上熱傳相片 未來世界其實係澳門景 (Jun 19, 2018) 【相集】大量喵星人take嘢實錄 吸食貓草沉淪毒海 (Jun 19, 2018)

Read more ›
日本網民自製「雪糕」 豆乳飲料雪成冰Twitter熱傳
by / on 01/05/2018 at 11:48 am

日本網民自製「雪糕」 豆乳飲料雪成冰Twitter熱傳

大家細個有無試過將益力多雪落冰格,然後當雪條食?日本網民發現將呢包豆乳飲料放入冰格,雪成冰之後質感好似雪糕,連平日唔鍾意飲豆乳嘅佢都覺得好正,唔少網民都留言話要試吓。今晚雪包維他奶試吓先! 相關資訊日本女藝人P圖前後 超強對比Twitter熱傳 (Jun 19, 2018) 日本隊聽日出場 18歲大原優乃水著打氣 (Jun 18, 2018)

Read more ›
日本攝影高手高手高高手 富士山靚相Twitter熱傳
by / on 28/04/2018 at 11:30 am

日本攝影高手高手高高手 富士山靚相Twitter熱傳

所以話網上嘅嘢真係唔好亂信。最近日本Twitter熱傳呢兩張相。左邊係超靚嘅富士山相,右邊係Making of,只要有部手機,再搵啱地點,你都可以係攝影高手,仲可以去邊都得!BTW,其實佢哋真係去咗富士山,之後都有影實景圖,都靚嘅,入嚟有得睇埋。 相關資訊好想打機嘅時候請狂撳!日本推出小型手掣扭蛋 (Jun 18, 2018) 日本漫畫網吧有隔音個室 網民:「係咪即係平價情侶酒店?」 (Jun 18, 2018)

Read more ›