Post Tagged with: "twitter"

日本進化版暖桌Twitter熱傳 面層打開放iPad
by / on 15/12/2017 at 7:50 am

日本進化版暖桌Twitter熱傳 面層打開放iPad

成日都想買日本嘅暖桌放喺屋企,夏天當普通枱用,冬天就可以收埋對腳入去暖吓。日本最近就有暖桌進化版,有網民喺秋葉原嘅展覽見到呢張新型暖桌,面層可以打開擺放iPad之類嘅小雜物,側邊有個櫃筒可以拉出嚟用,個名仲好勁叫「炬燵」,賣17800円。不過入面嘅iPad會唔會過熱變壞?樓主話親身試過無問題,因為個位唔近發熱點,之後仲分享咗樂天網站嘅link,入嚟有得睇,越睇越想訂返張。 相關資訊日本佛心「喵星人」 瞓大佛手心被供奉 (Jan 16, 2018) 【有片】超可愛刺猬仔示範食藥 頹爆變超興奮Twitter熱傳 (Jan 16, 2018)

Read more ›

日本網民自創食譜 「芝士湯豆腐」融晒喺口Twitter熱傳
by / on 13/12/2017 at 7:02 am

日本網民自創食譜 「芝士湯豆腐」融晒喺口Twitter熱傳

又有日本人自創超強食譜,今次呢道芝士豆腐菜式好簡單,主要係加大量芝士,仲有少少豆漿,然後焗一焗,造成超軟熟嘅湯豆腐菜式,食嘅時候芝士同豆腐融合埋一齊,網民話好口感超正。想多啲味道仲可以加少少黑椒調味,睇落好易,得閒試吓先! 相關資訊【有片】為市民服務都有爭議?日本列車出意外 警車送考生去試場 (Jan 15, 2018) 超靚「銀山溫泉」雪景圖 日本Twitter熱傳 (Jan 15, 2018)

Read more ›
《人中之龍極2》桐生一馬賣萌 心心截圖Twitter熱傳
by / on 11/12/2017 at 7:11 am

《人中之龍極2》桐生一馬賣萌 心心截圖Twitter熱傳

《人中之龍極2》繼續有好多日本網民cap圖分享,主角桐生一馬玩起上嚟一向無底線,最新cap圖就見佢學人做賣萌嘅心心動作,嚇到對手攤喺地,網民都忍唔住出圖回應。另外有網民放咗桐生一馬去唱K嘅截圖,個樣仲chok過Chef Lé Mon‥‥‥入嚟有得翻睇噚日熱傳一班男人扮BB嘅超過份cap圖。 相關資訊【新片速報】日本扮聲神人Twitter熱傳 男/女/電車都係佢 (Jan 15, 2018) 乃木坂46「齋藤飛鳥」截圖Twitter熱傳 粉絲聚會拒絕多項要求 (Jan 14, 2018)

Read more ›
動物園吸煙房出現「瀕臨絕種動物」介紹牌 超搞笑Twitter熱傳
by / on 10/12/2017 at 2:09 pm

動物園吸煙房出現「瀕臨絕種動物」介紹牌 超搞笑Twitter熱傳

日本嘅煙民為數眾多,不過近年政府開始收緊條例,例如加煙草價格同埋減少吸煙場地,日本煙民有望越嚟越少。最近有網民就放咗張動物園常見嘅「動物介紹牌」上Twitter,話之前喺某動物園嘅吸煙玻璃房外出現過,張介紹牌嘅主角係「煙民(喫煙者)」,話佢哋係瀕臨絕種嘅靈長類動物,簡介話佢哋分佈全球,而日本嘅數目就越嚟越少,佢哋平時會吸食煙草,唔食會出現異常行為,食咗就會好開心咁。張相喺Twitter好多人分享,大家都讚好幽默,好想放張喺公司嘅吸煙房,不過據講張牌好快已經喺動物園內被消滅嘞。 相關資訊石頭變雀仔 日本網民超強手藝 (Jan 14, 2018) 日本貓奴放閃 超幸福貓腳印Twitter熱傳 (Jan 14, 2018)

Read more ›
日本網民分享四季風景 各有特色Twitter熱傳
by / on 10/12/2017 at 12:42 pm

日本網民分享四季風景 各有特色Twitter熱傳

日本嘅春夏秋冬各有不同美景,日本有網民就分享咗幾副圖表達返。春天有櫻花,夏天有沙灘小石,秋天有紅葉,冬天有雪景,不過表達方式就有啲特別‥‥‥但係網民好鍾意,仲不停分享。四季之中你又最鍾意邊個季節呢? 相關資訊【有片】日本大熱手機遊戲 飼養兇殘熊隨時襲擊主人 (Jan 15, 2018) 【新年名物】日本鶴岡八幡宮「紅警備隊」 制服超有型 (Jan 14, 2018)

Read more ›
【有片】Twitter熱傳日本女生溜冰片 初次落場唔怕跌好可愛
by / on 10/12/2017 at 10:39 am

【有片】Twitter熱傳日本女生溜冰片 初次落場唔怕跌好可愛

我哋嗰個年代,好多人鍾意溜冰,o依家係咪少啲喇?啱啱喺Twitter就有一條關於溜冰嘅影片熱傳,初學溜冰最緊要夠大膽,佢夠晒喇,仲好開心好可愛,祝佢早日學識。 相關資訊【洋人的奇妙喜好】成人影片網公佈 2017年最多搜尋遊戲角色 (Jan 14, 2018) 【新片速報】日本馬仔超貪玩 自製飄雪效果雪地狂奔 (Jan 14, 2018)

Read more ›

日本超靚紅葉漣漪相     朋友「神還原」做出裝飾品
by / on 09/12/2017 at 11:03 am

日本超靚紅葉漣漪相 朋友「神還原」做出裝飾品

日本嘅紅葉好靚,如果可以變成裝飾品永久保存就更好嘞。最近呢兩張相喺日本Twitter熱傳,話說樓主早前放咗右邊張紅葉靚相上網,無幾耐佢好叻整樹脂飾物嘅朋友整咗左邊嘅禮物送俾佢,神還原返當時嘅情景,重點係水面泛起嘅漣漪都重現返,網民都大讚超靚,仲問佢朋友可唔可以量產化,而佢朋友見反應好都開咗個Twitter專頁,唔知下次會唔會試吓雪景同櫻花景呢? 相關資訊性感M78星雲 日本畫師又出超人偶像圖 (Jan 13, 2018) 明治朱古力大阪工場 超靚建築夏天唔會溶 (Jan 13, 2018)

Read more ›
【新片速報】日本超強沖涼獨白 音樂配深情獨白Twitter熱傳
by / on 07/12/2017 at 7:02 am

【新片速報】日本超強沖涼獨白 音樂配深情獨白Twitter熱傳

呢位日本網民絕對係天才級嘅表演者,雖然張cap圖係朦朧咗啲,但段片真係正嘅。喺廁所一邊沖涼一邊唱歌好多人都試過,不過佢就有氣氛好多,配合埋背景音樂、花灑營造嘅雨聲,加埋佢自己充滿感情嘅獨白,完全表達咗對今日遇到嘅挫折嗰種無奈同痛心,加埋裸背嘅超性感演出,難怪喺Twitter勁多人RT,入嚟有得慢慢欣賞,記住要開聲睇。 相關資訊【連環圖】日本人氣肥喵想人抱 主動出擊失望而回 (Jan 13, 2018) 【撞樣】日本柴犬超似冬甩 一臉雪超可愛Twitter熱傳 (Jan 13, 2018)

Read more ›
【圖集】日本Twitter動物得意相比賽 超強參賽作品
by / on 05/12/2017 at 7:13 am

【圖集】日本Twitter動物得意相比賽 超強參賽作品

仲記唔記得之前報導過日本有隻笠晒唔同膠套上身嘅喪喵?輯相勁好反應,細心啲會發現樓主加咗個hashtag「JMoFペット自慢大会」。其實呢個係每年一度嘅動物集會,嚟緊會喺18年1月5-7日喺豐橋市舉行,不過活動前大會就喺Twitter預演一個靚相大賽,而家儲落好多參賽作品,有貓仔狗仔蜥蜴仔,全部都勁可愛好高質,入嚟有得睇。 相關資訊【新片速報】日本電車打開門見超厚積雪 仲落唔落車好? (Jan 13, 2018) 【新片速報】偷拍日本喵星人 匿埋「暖桌」底偷懶超識嘆 (Jan 12, 2018)

Read more ›
【有片】日本喵直播「放送事故」熱傳    跌鏡頭出現另一隻喵
by / on 01/12/2017 at 7:02 am

【有片】日本喵直播「放送事故」熱傳 跌鏡頭出現另一隻喵

喵星人真係好可愛,最近有位日本網民就喺直播期間摸喵,點知唔小心將個境頭跌咗落地,而咁啱就跌正喺另一隻貓面前,鏡頭變咗直播呢隻上下倒轉咗嘅喵,網民嘅反應好熱烈,而呢位大配角對於有機會擔正做主角似乎無乜興趣,好快就用隻手遮住個鏡頭,超可愛!入嚟有得睇。 相關資訊東京銀座隱世甜品店 超正雪條Twitter熱傳 (Jan 12, 2018) 日本網民分享「鳥取砂丘」超靚景 砂丘變「雪丘」Twitter熱傳 (Jan 12, 2018)

Read more ›
【新片速報】日本肥蜥蜴失足跌底 太肥失平衡超搞笑
by / on 30/11/2017 at 7:46 am

【新片速報】日本肥蜥蜴失足跌底 太肥失平衡超搞笑

俗語話睇人仆街最開心,不過今次唔係人,係好多人驚嘅蜥蜴,正確啲講應該係肥蜥蜴先啱。呢位日本網民養咗幾隻巨型蜥蜴,呢段片就睇到其中一隻嘗試爬高,不過一個失平衡撻底咗,臨撻底時手揈揈嗰幾下真係超搞笑,睇嚟佢真係要減肥嘞。入嚟有GIF睇,可以無限loop。 相關資訊日本網民食物現「奸笑BB樣」 心都寒埋Twitter熱傳 (Jan 12, 2018) 日本「明太子之日」簡易食譜 電飯煲煮法超美味 (Jan 11, 2018)

Read more ›

日本網民小發明Twitter熱傳 萬能膠DIY可愛花園鰻
by / on 30/11/2017 at 7:37 am

日本網民小發明Twitter熱傳 萬能膠DIY可愛花園鰻

日本呢隻SuperX萬能膠耐油耐水,好多屋企都有支傍身,咁用剩咗少少可以點樣善用呢?有日本網民就諗到用嚟製作可愛嘅透明花園鰻(チンアナゴ)嘞!簡單唧咗個形狀出嚟,表面乾咗之後畫幾筆,再等返24小時就可以變成裝飾品,仲可以畫唔同圖案,自製水族館! 相關資訊【圖集】日本「喵插畫」超感人 貓奴必睇Twitter熱傳 (Jan 11, 2018) 【圖集】冬天喵星人圍爐取暖 企得太埋好危險Twitter熱傳 (Jan 10, 2018)

Read more ›
【有片】日本超蠢柴犬仔 同公仔亂吠對恃Twitter熱傳
by / on 30/11/2017 at 7:16 am

【有片】日本超蠢柴犬仔 同公仔亂吠對恃Twitter熱傳

柴犬個樣其實好蠢,但係佢哋自己唔知,仲扮惡,所以特別好笑!呢隻日本柴犬好蠢咁俾幾隻識發聲嘅公仔嚇親,佢吠一聲隻公仔又跟住叫,佢以為人哋同佢鬥吠,好緊張,之後個公仔跌咗,佢仲以為自己兇贏咗人,好搞笑,入嚟有片睇。 相關資訊日本貓奴安裝「暖爐圍欄」 怕凍喵星人突破防線 (Jan 11, 2018) 日本奇譚全新貓頭套 超巨型心心連蝴蝶結 (Jan 11, 2018)

Read more ›
【新片速報】超懶喵星人「舔毛」都懶 靠黐失敗Twitter熱傳
by / on 28/11/2017 at 7:56 am

【新片速報】超懶喵星人「舔毛」都懶 靠黐失敗Twitter熱傳

自己啲毛自己舔,不過有啲喵星人就係唔明呢個道理,成日想其他喵幫自己舔埋,勁懶。最近有日本網民就分享咗呢段片,片中左邊嘅黑白色喵好專心咁舔毛,旁邊隻黑喵不停挨個頭埋去搏對方唔覺意舔埋佢,不過奸計失敗,之後佢露出咗個勁無奈嘅表情,但係佢無放棄,繼續再接再勵,入嚟有片睇。 相關資訊貓奴必備 帶貓出街用Cat-in-the-bag (Jan 16, 2018) 【有片】日本喵星人與矇眼貂 一家四口超幸福IG放閃 (Jan 10, 2018)

Read more ›
「Selfie係我哋發明嘅!」 Paris Hilton狂言引發網民出圖回應
by / on 28/11/2017 at 7:20 am

「Selfie係我哋發明嘅!」 Paris Hilton狂言引發網民出圖回應

羽毛球都係我發明架!仲記唔記得《全力扣殺》林敏驄最後嗰段爆肚獨白?今次睇Paris Hilton喺Twitter嘅post我諗返起呢句對白。事緣最近Paris Hilton放咗佢同Britney Spears喺11年前嘅自拍照,仲講咗句:「11年前嘅相,我同Britney發明咗自拍!」由於句嘢太膠,網民即時瘋狂留言post相反駁,遠嘅有瑪麗蓮夢露拎住寶麗萊即影即有自拍,近啲嘅仲有Mr. Bean,大量舊相回帶,不過就無Paris Hilton嘅回應,可能人哋純粹搞吓笑,係大家太認真?入嚟有得睇。 相關資訊日本超像真「柴犬」 羊毛氈製作極高質Twitter熱傳 (Jan 10, 2018) 【新片速報】日本「刺客喵」挑戰高難度 玩命片Twitter熱傳 (Jan 9, 2018)

Read more ›