Post Tagged with: "Youtube"

有片:激似周子瑜!唔使起稿即畫!
by / on 04/11/2016 at 9:00 am

有片:激似周子瑜!唔使起稿即畫!

久唔久我就會睇吓YouTube頻道「drawholic」,啲畫作真係靚到一個點。先勁在唔使起稿,再勁在由眼睛而唔係面形開始畫起,再三勁在連背景幅窗簾都好細緻地畫埋,一個像真度超高嘅子瑜就躍然紙上。唔詳細睇,仲以為係一幅相,厲害。 相關資訊集英社推出「漫畫版YouTube」 手機程式免費下載 (May 10, 2018) 有片:木顏色畫娘娘/達哥/陳柏宇/子華神 (May 1, 2018)

Read more ›

有片:眼界+手力+運氣 擲水樽上天橋/路標/燈柱
by / on 22/10/2016 at 7:45 pm

有片:眼界+手力+運氣 擲水樽上天橋/路標/燈柱

擲水樽有乜好玩呀?YouTube頻道「How Ridiculous」就係咁Ridiculous,將個水樽由地面拋上天橋扶手、廣告牌、燈柱、路標等等等等,又高又遠難度超高,少啲手力、眼界同最重要嘅運氣都唔得。雖然知道有無數NG,但見到成班大男人咁認真玩埋啲小學雞嘢,都OK睇得人開心嘅。弊,越睇越手痕,我都想過吓手癮添,但又驚俾街坊鬧,俾警察叔叔捉…… 相關資訊有片:超慢鏡睇水果互撞 青紅蘋果互撞似開花 (Mar 9, 2018) 有片:春麗變巨人嬲嬲 唔踢腿都走光 (Feb 26, 2018)

Read more ›
有片:超強!繪畫《進擊之巨人》!重量感十足!
by / on 06/10/2016 at 9:45 pm

有片:超強!繪畫《進擊之巨人》!重量感十足!

好鍾意睇YouTube頻道「drawholic」,堪稱神乎其技,今次畫《進擊之巨人》,打爆城牆隻手畫得好有力,巨人面相好猙獰,好有爛肉感覺,嘴巴噴出嚟嘅煙畫亦得好有層次感,加上塵土飛揚,整體構圖係好有霸氣嘅。我仲留意到一樣嘢,如果無睇錯的話,呢幅畫係用蠟筆畫嘅,事關作者拎上手嗰陣,幅畫向下墜咗一墜,名副其實嘅重量感十足。 相關資訊有片:番梘開窿放銀紙?日本網民教旅遊藏錢秘技! (Jan 10, 2018) 【有片】日本喵星人沉迷上YouTube 後腳伸直好識嘆 (Nov 14, 2017)

Read more ›
有片:驚世發明!掛牆鐘變自動牙刷!
by / on 04/10/2016 at 11:00 pm

有片:驚世發明!掛牆鐘變自動牙刷!

YouTube頻道叫「Joseph’s Machines」,驚世發明叫Tooth Brusher,以為有乜機械嘢咁巴閉喇,原來純粹得啖笑。而事實上呢個鬍鬚仔又真係幾搞笑,居然無聊到將大一大個又硬又重、定時定候有隻雀仔捐出嚟報時嘅古老掛牆鐘綁吓頭頂,再用鐵鏈將大鐘鎖住條頸,藉以自製一支自動牙刷。點自動法?原理係利用鐘擺嘅左搖右擺帶動牙刷,幫自己刷牙,兼校定時間,兩分鐘後雀仔會彈出嚟畀鎖匙佢開鎖。雖然明知大鐘失靈雀仔失蹤無得開鎖呢Part做假,搞到要無奈地刷牙刷足一粒鐘,雖然呢個驚世發明真係勁無聊,不過可能笑點低,我真係笑得出。 相關資訊【新片速報】超強骨牌效應影片 食早餐啟動大量機關 (May 16, 2018) 【新片速報】哈利王子被偷爆谷 可愛妹妹做賊仔YouTube熱播 (Sep 29, 2017)

Read more ›
有片:痴線!撻生魚式跳彈床!撳釘刺肚皮齋睇到覺痛!
by / on 26/09/2016 at 1:30 pm

有片:痴線!撻生魚式跳彈床!撳釘刺肚皮齋睇到覺痛!

痴線的!YouTube頻道「Dudesons」出名玩得癲,經常透過自殘呃Like,呢次仲癲到玩撳釘,誓要唔見血唔收手。玩法係搵個「死士」跳彈床,彈彈吓之際,側邊有人撒出大量撳釘,然後死士改跳為「Belly Flop」,即「肚皮先落」,簡單啲講即係撻生魚咁撻,霎時間,無數撳釘直刺入胸膛、肚皮、手手腳腳,痛到面容扭曲……但見死士逐粒撳釘扯番出嚟,隔住個Mon都感覺到痛,真係好痛。 相關資訊【新片速報】外國貓奴自製紙箱迷宮 50個紙箱排陣超興奮 (Aug 11, 2017) 有片:Parkour+喪屍圍攻 跳出生天 (May 17, 2017)

Read more ›
有片:超強身材人體彩繪!小丑女+閃電俠+死侍+毒藤女!
by / on 29/08/2016 at 10:45 pm

有片:超強身材人體彩繪!小丑女+閃電俠+死侍+毒藤女!

是日推介YouTube頻道「KayPikeFashion」,點解要睇?一,因為人體彩繪藝術家Kay Pike嘅化妝技術實在出神入化,實非一般Cosplayer可比,佢專拍片教人彩繪漫畫角色,小丑女、閃電俠、死侍、毒藤女等等等等,出嚟嘅效果勁有漫畫味,佢戙企唔郁,你會以為望到嘅係一張漫畫稿件,而唔係真人;二,佢夠膽起用──自己做Model,而佢本身樣子唔差,身材更加好到加零一,所以條條教學片都洶湧澎湃,實在無乜辦法唔睇多兩眼…… 相關資訊【有片】死侍日本四圍玩 渋谷搵復仇者挑機 (May 24, 2018) 《Deadpool 2》外國超正電影宣傳 惡搞知名電影封面 (May 18, 2018)

Read more ›

有片:自製空難 飛機起火解體+撞散Lego城堡
by / on 18/08/2016 at 11:15 pm

有片:自製空難 飛機起火解體+撞散Lego城堡

YouTube頻道「The Slow Mo Guys」今次自製一場空難,放心,無人傷亡,因為飛機係玩具機,而城堡係用Lego砌嘅。估唔到慢鏡重播撞機一瞬,原來畫面都幾震撼,啲Lego散到一地都係,城堡完全摧毀;未夠喉,主持人仲喺飛機殘骸淋火水,之後點火,一燒,篷一聲,成架飛機爆開完全解體,做戲做全套,又拍得幾有心思喎。 相關資訊【有片】LEGO影片大劇透 Stop Motion重現《Avengers: Infinity War》爽快一幕 (May 21, 2018) 日本網民製高達LEGO畫 Wing Gundam Zero Custom (May 3, 2018)

Read more ›
有片:超勁煎Pancake!正面LeBorn反轉咖喱仔!
by / on 27/06/2016 at 9:30 am

有片:超勁煎Pancake!正面LeBorn反轉咖喱仔!

唔係第一次介紹YouTube頻道「Dancakes」嘅短片,今次仲勁,照透過煎Pancake作畫。煎呀煎畫呀畫,煎出LeBorn James唔出奇,勁在一反Pancake,居然出現埋咖喱仔,同一塊Pancake喎,Total煎一次咋喎,究竟點樣做到嘅呢?唔通中間有剪接? 相關資訊有片:似異形破體而出 充氣谷爆足球+欖球 (Feb 9, 2017) 有片:寶貝寵物蜥蜴呎幾長 著衫/食刺身/攬住訓好爽皮 (Jan 9, 2017)

Read more ›
【新片速報】浣熊有義氣 合力爬牆影片YouTube熱播
by / on 24/06/2016 at 7:13 am

【新片速報】浣熊有義氣 合力爬牆影片YouTube熱播

相比起行行吓跌幾隻兄弟落坑渠都唔理嘅鴨仔,浣熊似乎有義氣好多喎。呢段影片喺YouTube熱播,拍到夜晚路邊有隻浣熊媽媽同兩隻浣熊BB,由於牆身好高,企喺最上面嘅媽媽要扶兩隻B上嚟,不過佢哋開頭唔係幾順利,最底嘅BB仲跌埋落地,但兄弟無放棄佢,最後成功一家團眾,展現出偉大嘅團隊精神! 相關資訊俄羅斯超可愛浣熊醫生 專責平靜狗狗情緒 (May 5, 2018) 【有片】喵星人打乞嚏 打極打唔出超搞笑 (Apr 27, 2018)

Read more ›
【有片】水瀨仔餵食影片YouTube熱爆 超可愛食到一臉都係
by / on 20/06/2016 at 7:10 am

【有片】水瀨仔餵食影片YouTube熱爆 超可愛食到一臉都係

餵貓貓狗狗食嘢見得多,餵水瀨食嘢都係第一次見,而且仲要係兩隻超可愛嘅水瀨仔,難怪段片放上YouTube幾日已經超過2百萬點擊啦。影片見倒兩隻水瀨一邊食一邊興奮到呱呱叫,仲食到成面都係喎,另一隻索性將隻手伸入食物兜入面再舔隻手,可愛到暈! 相關資訊【新片速報】日本超可愛水瀨仔 拍手掩面賣萌Twitter熱傳 (May 1, 2018) 【有片】超實用機器 自動出蛋糕機 (Apr 13, 2018)

Read more ›
【有片】YouTube教整動漫食物      蛋黃哥/東京喰種/巨人出動
by / on 19/06/2016 at 11:43 am

【有片】YouTube教整動漫食物 蛋黃哥/東京喰種/巨人出動

呢位來自日本嘅泰國女仔好叻整嘢食,吐司、Latte咖啡、便當全部難佢唔到,而且佢仲好叻將動漫角色放入食品入面,影嘅相仲好靚!東京喰種便當、小新petpet班戟、蛋黃哥杯麵、龍貓吐司,總之你諗得出嘅佢大部份都整過,佢仲有自己嘅YouTube頻道,無私分享食譜,推介! 相關資訊日本真實版《龍貓》 喵星人瞓巨型毛公仔Twitter熱傳 (May 23, 2018) 女版Low Cost Cosplay玩謝金正恩 食物做主題影完食返晒 (May 18, 2018)

Read more ›

有片:疑似成口血!外國版電鑽食栗米!
by / on 31/05/2016 at 2:45 pm

有片:疑似成口血!外國版電鑽食栗米!

仲記唔記得早兩個禮拜人稱「電鑽粟米姐」嘅劉嬌嬌,挑戰電鑽食粟米搞到頭殼頂無咗執頭髮?家陣有外國版嘞。YouTube頻道「The Slow Mo Guys」玩番同一個玩意,片中人照舊手執電鑽寸住碌粟米喪刨,另加大量茄汁喺粟米,搞到慢鏡頭下畫面更加汁液四濺,驟眼睇以為佢成口血添。其實呢個玩意都幾危險,莫講話容易扯甩頭髮,一個唔覺意粟米跌甩咗,鑽嘴又唔覺意隊歪咗的話……嘩,諗吓都驚呀。 相關資訊【圖集】日本版低成本Cosplay 月野兔頭髮變蛋治 (Apr 8, 2018) 【新片速報】日本超神奇頭髮增毛法 有頭髮有辦法 (Jul 7, 2017)

Read more ›
有片:日本網民教整Mini杯麵 有齊麵條+蝦米+蛋粒+肉碎+蔥花
by / on 25/05/2016 at 11:00 pm

有片:日本網民教整Mini杯麵 有齊麵條+蝦米+蛋粒+肉碎+蔥花

推介隔籬同事A睇呢條由YouTube「HMS2-ハムスターのミニチュア工房2」拍攝嘅教整Mini合味道杯麵短片,睇完同事A話好無聊好浪費時間,我就唔係咁認為嘞。做人有時無聊吓,自得其樂又點算浪費時間呢?開心無價嘛。你都想開心的話,請留意短片每一個步驟,材料只需要杯麵招紙Colour print、透明膠片、泥膠、顏料、漿糊等等,出來嘅效果似到爆,不但湯底顏色似、麵條似,連蝦米、蛋粒、肉碎同蔥花都一應俱全,最厲害係銀色杯蓋底似足錫紙,不得不佩服日本網民嘅心思慎密,讚呀。 相關資訊超正日清合味道「杯麵拉炮」 一拉噴麵條蝦粒牛肉粒 (Dec 21, 2017) 日本補腦公仔麵 粉紅色麵條真人開腦示範 (May 8, 2017)

Read more ›
有片:Lego控必睇!路軌穿屋過後花園!感覺似揸火車!
by / on 28/04/2016 at 9:45 pm

有片:Lego控必睇!路軌穿屋過後花園!感覺似揸火車!

鍾意砌Lego嘅朋友,睇完YouTube頻道「TrainGuy 659」嘅片,肯定心心眼!總共50米火車軌穿屋過後花園,係,你無睇錯我都無寫錯,真係由屋企砌到出花園,捐凳底梳化底房過房廳過廳已屬小兒科,直頭捐窿損罅捐草叢,加埋火車裝上GroPo行駛,喺第一視角POV下,感覺就好似自己揸緊火車咁,好過癮!耐性心機固然缺一不可,但最重要嘅係,你要有咁大間屋,有咁大間大屋都未必可能有花園,一切都是土地問題,所以注定香港人玩唔起。 相關資訊【新片速報】日本「火車玩具」高手新玩法 脫軌都玩到Twitter熱傳 (Dec 29, 2017) 【有片】神改裝!終極湯瑪士多腳機關戰車 戰鬥力強識噴火 (Mar 13, 2017)

Read more ›
有片:癲嘅!同鱷魚仔Kiss!咬唇痛人心!
by / on 27/04/2016 at 10:45 pm

有片:癲嘅!同鱷魚仔Kiss!咬唇痛人心!

玩到無嘢好玩,繼續玩自殘啦,繼刻意俾蛇咬之後,今次YouTube頻道「Dudesons」幾條友仔又再獻新猷,一貫作風先來個俄羅斯輪盤,邊個輸咗就要接受大懲罰。大懲罰係俾鱷魚仔錫面,名為錫,實為咬,咁都未算,咬完面再同鱷魚仔Kiss,名為Kiss,實情都係咬,咬唇個咬。輸家無流眼淚,但痛到瞪大眼都有少少面容扭曲,估計應該幾痛吓。係,我隔住個Mon望到都覺痛,何況堅咬? 相關資訊日本今日「Kiss之日」 Twitter大量圖/片應節 (May 23, 2018) 日本喵星人橫行霸道 咬女人頭好兇狠 (Feb 10, 2018)

Read more ›