Post Tagged with: "Youtube"

有片:打鼓打出顏色 五顏六色好治癒
by / on 27/04/2016 at 10:15 pm

有片:打鼓打出顏色 五顏六色好治癒

有時唔使太多花臣,越簡單反而越震撼,今次YouTube頻道「The Slow Mo Guys」唔玩太複雜,係咁意放顏色粉末喺鼓面,之後鼓面一敲,鼓底又一敲,粉末即時飛舞,慢鏡頭下五顏六色粉末撈埋一齊,畫面好靚,感覺好自癒。心情唔好嗰陣,可以Loop吓喎。 相關資訊集英社推出「漫畫版YouTube」 手機程式免費下載 (May 10, 2018) 有片:木顏色畫娘娘/達哥/陳柏宇/子華神 (May 1, 2018)

Read more ›

有片:256支蠟筆變實體花樽!插得花企得穩!
by / on 21/04/2016 at 9:30 pm

有片:256支蠟筆變實體花樽!插得花企得穩!

YouTube頻道「Peter Brown」教整蠟筆花樽,好想要!唔好睇錯,唔係用蠟筆畫花樽,而係用256支蠟筆製作一個真係插得花嘅實體花樽。製法聽落好簡單,先將256支蠟筆放入焗爐,焗溶之後,蠟筆顏色會融為一體成磚狀,之後放涼,再之後用刨機同鐵筆裁出樽形,再再再之後鑿空中心,成形!企得穩!唔怕搞到一地都係蠟筆碎的話,都幾過癮嘅。 相關資訊有片:超慢鏡睇水果互撞 青紅蘋果互撞似開花 (Mar 9, 2018) 有片:春麗變巨人嬲嬲 唔踢腿都走光 (Feb 26, 2018)

Read more ›
有片:宇宙Gem毛毛蟲裙 梅麗史翠寶/老佛爺齊嗌頂唔順
by / on 12/04/2016 at 9:30 pm

有片:宇宙Gem毛毛蟲裙 梅麗史翠寶/老佛爺齊嗌頂唔順

YouTube頻道「CapTV」,即係Cap來Cap去喇,今次呢條《潮流教主の繼承者》笑到我Gap Gap聲。抽邊個水?之唔係衣著品味異常出人意表嘅宇宙Gem囉,一襲中空白色長裙,卻不見應見之事業線,反見肉色疑似腰封物體,俾網民揶揄為毛毛蟲爬上身,叫佢不如著番皮褲咁話。呢條片先由TVB《潮流教主》主角陳豪出場,之後將《穿Prada的惡魔》裡面嘅梅麗史翠寶、老佛爺Karl Lagerfeld等戲裡戲外真正潮流教主Cap埋一齊,配埋「嘩,佢做乜X嘢呀?」、「啲蟲好真呀,好有生命力。」、「呀,究竟啲蟲喺邊度爆出嚟嘅呢?」等等抵死對白,睇完你唔笑,我寫個服字畀你。 相關資訊有片:番梘開窿放銀紙?日本網民教旅遊藏錢秘技! (Jan 10, 2018) 【有片】日本喵星人沉迷上YouTube 後腳伸直好識嘆 (Nov 14, 2017)

Read more ›
有片:恐怖!靚女Selfie惹鬼攞命!
by / on 11/04/2016 at 8:45 pm

有片:恐怖!靚女Selfie惹鬼攞命!

鍾意睇鬼片的話,可以留意吓YouTube頻道「JasonRoseteFilm」,內有極多恐怖短片,雖則每條片都短短哋得三幾分鐘,但喺氣氛營造同配樂方面都好出色,夜媽媽睇真係有啲驚。就以呢條《Selfie-Evil Dummy From Hell》為例,講靚女自拍成癮,影影吓聽到敲門聲,開門唔見人,淨係見到個公仔。狐疑間,靚女拎公仔入屋,之後發覺有腳步聲但又唔見人,再之後見到有字寫住「Go Fuck Your Selfie」,再再之後靚女Check手機,嘩……啲解啲自拍相多咗隻公仔架? 相關資訊【相集】自拍喵星人新相特集 繼續selfie肥咗可愛咗 (May 6, 2018) 【多圖】日本靚女同公仔一模一樣 遊歷日本拍攝相集 (May 5, 2018)

Read more ›
【新片速報】貓奴必睇 喵星人想成名   自拍短片6千萬點擊熱爆
by / on 08/04/2016 at 7:16 am

【新片速報】貓奴必睇 喵星人想成名 自拍短片6千萬點擊熱爆

呢條片未睇嘅貓奴一定要睇,放上網兩日已經過6千萬瀏覽,好誇張。今時今日大家都想拍片成名,片中嘅灰色喵星人都好想紅,上網見其他貓仔舔吓肉球都有幾百萬點擊,佢就有樣學樣自己Set機啦,點知點擊率勁低。之後佢又彈琴又玩呼拉圈,點知都係紅唔起,心灰意冷嘅佢流咗兩滴眼淚之後,決定開車離家出走,點知‥‥‥個結尾好正,重點係全程喵星人都好入戲,超好睇! 相關資訊【新片速報】日本喵星人出動 牛仔褲「貓鬚」製造工場 (May 20, 2018) 【相集】喵星人大得好快 日本熱傳對比照超可愛 (May 18, 2018)

Read more ›
有片:牛佬/司徒劍僑/馬遜作品連載「漫本」網站 YouTube有片睇
by / on 06/04/2016 at 2:24 pm

有片:牛佬/司徒劍僑/馬遜作品連載「漫本」網站 YouTube有片睇

之前都有介紹過嘅漫畫網站「漫本」,有好多港漫作品連截,包括牛佬《血崩女》喇、馬遜《蘇生戰統》喇、司徒劍僑《再造空間》喇等等等等。我梗係知,我梗係明,無得實甩甩拎上手睇,感覺硬係差減啲,但呢幾套都係暫時無出實體書嘅高質港漫,絕對值得大家望望。而為宣傳,牛佬、馬遜同司徒劍僑都係YouTube放咗宣傳短片,用圖稿加文字略略簡介故事講乜,都係嗰句,支持港漫,Look Look無壞。 相關資訊網圖分享:司徒劍僑的《四大名捕》 (May 7, 2018) 《古惑仔》佐維談公道 牛佬談世道 (May 3, 2018)

Read more ›

有片:呃晒!日本網民教做可樂樽形朱古力!
by / on 03/04/2016 at 7:30 pm

有片:呃晒!日本網民教做可樂樽形朱古力!

霎眼睇俾佢呃晒,究竟係朱古力定可樂呢?真正答案係YouTube頻道「便利ライフハック【venlee lifehack】」教整嘅可樂樽形朱古力。製作方法簡好簡單,不外乎煮溶朱古力,灌入可樂樽,雪凍成形,剪走膠樽,貼番招紙同吸番個樽蓋,有心學一定做得到。呢啲生活小情趣著實唔錯,有時間整番樽畀女朋友,佢實會好Surprise。 相關資訊【日本投選】最想重製的80年代動畫 第1位《山T女福星》 (May 21, 2018) 貓奴要去 日本超正旅館有貓入房陪玩 (May 21, 2018)

Read more ›
【新片速報】Playboy嚴選「10個YouTube最性感女性」 逐個頻道訂閱
by / on 27/03/2016 at 12:11 pm

【新片速報】Playboy嚴選「10個YouTube最性感女性」 逐個頻道訂閱

曾經盛極一時嘅男性雜誌《Playboy》近年經營困難,最近公司仲搵緊買家,所以而家有得睇好睇多啲嘞。啱啱佢哋喺YouTube頻道放咗條新片,題目係「10個YouTube最性感嘅女人」,入面全影像,不同國藉美女,大量比堅尼演出,入嚟仲可以睇晒10個美女嘅YouTube頻道,啱晒星期日慢慢欣賞,不過,唔,有啲都幾鬼佬口味。  相關資訊《美女與野獸》填色簿 小朋友自創「美女」超性感服裝 (Jan 29, 2018) Wonder Woman變Wonder Baby 少少性感仲有特效 (Oct 4, 2017)

Read more ›
有片:日本網民教染復活蛋!堅真係唔難!
by / on 15/03/2016 at 9:45 pm

有片:日本網民教染復活蛋!堅真係唔難!

呢次就堅真係唔難嘞,問題係你有無咁嘅閒情逸志啫,想唔用人工色素自製食得落肚嘅七彩復活蛋,日本網民幫到你。由YouTube頻道「便利ライフハック【venlee lifehack】」提供嘅呢條短片簡單易學,原來只要用椰菜頭烚一煲水,呢煲水就係最佳染色素,本身呈藍藍哋色。想溝顏色咩?Easy!加檸檬汁即變紫紅色、加蛋白即變綠色、加蘋果汁即變深紫色,顏色深淺可以自己調校。另外,用咖喱粉開水、開稀豉油,一樣可以替烚熟咗嘅雞蛋染色,畀啲耐性,浸至少一粒鐘就得嘞。 相關資訊【新片速報】日本超嗲海豹仔 反肚摟摸捉實飼養員隻手 (May 21, 2018) 【相集】日本攝影師超治癒相集 祖母與柴犬置身花海 (May 21, 2018)

Read more ›
有片:痴線的!研磨器對戰!輸家火花急射下體!
by / on 14/03/2016 at 10:15 pm

有片:痴線的!研磨器對戰!輸家火花急射下體!

痴線!為呃Like越玩越癲!YouTube頻道「Dudesons」癲到玩火呀呢次!對戰者各自戴上護目鏡、冷帽同工衣,各自拎住個五金行業用嘅研磨器(Grinder),齊齊鬥磨鐵鬥擦出火花,大量火花命中對方身體發射,就睇吓邊個頂唔住放棄為輸家。輸嗰個,慘咯,大懲罰係脫到一絲不掛,願賭服輸,鏡頭所見輸家真係光脫脫,重要部位有馬賽克阻住,而火花,就毫無止境射向男人最痛嗰幾吋。有幾痛?唔敢想像,淨係知睇片都覺得痛囉。 相關資訊日本超邪惡「馬賽克紙膠帶」 用途廣泛惡搞圖Twitter熱傳 (Jan 10, 2018) 【新片速報】哈利王子被偷爆谷 可愛妹妹做賊仔YouTube熱播 (Sep 29, 2017)

Read more ›
有片:神手!摺紙Darth Vader戙得起企得穩!
by / on 02/03/2016 at 8:30 pm

有片:神手!摺紙Darth Vader戙得起企得穩!

好佩服擅長摺紙嘅人,手要靈巧就梗,最犀利係嗰股創意,由零都有,究竟點諗出嚟嘅呢?諗嗰下先難,信我,摺其實真係唔難,聽唔明英文講乜都唔緊要,YouTube頻道「Tadashi Mori」拍埋片Show齊每一個Step,只要有心學,就一定摺得出呢個戙得起兼企得穩嘅Darth Vader,我話嘅。 相關資訊【新片速報】日本超靚摺紙藝術 Twitter熱傳火速售罄 (Mar 4, 2018) 【有片】日本5歲小朋友開網店 摺紙/畫作「天價」賣9億円 (Sep 2, 2017)

Read more ›

有片:日本喵星人日 真貓砌出「Happy Cat Day」
by / on 23/02/2016 at 10:00 am

有片:日本喵星人日 真貓砌出「Happy Cat Day」

世界有所謂嘅喵星人日,唔同國家有唔同特定日子,日本係擒日2月22日,俄羅斯係3月1日,美國係10月29日,而International Cat Day則係8月8日。為此,YouTube頻道「10 Cats」出咗條片,靠預先擺好嘅糧兜吸引貓咪耷低頭,有次序地排成一個個英文字母──「H」、「A」、「P」、「P」、「Y」、「C」、「a」、「t」、「D」、「a」同「y」,Happy Cat Day!祝貓奴繼續為奴,喵星人繼續係寶喇。 相關資訊日本喵星人匿藏失敗 鼻頭露出超可愛 (May 17, 2018) 喵星人夏天新造型 全新水果系列扮菠蘿 (May 17, 2018)

Read more ›
有片:日本網民發明McDonald’s cup egg 加滾水有滑蛋食
by / on 17/02/2016 at 11:45 am

有片:日本網民發明McDonald’s cup egg 加滾水有滑蛋食

YouTube頻道「便利ライフハック 【venlee lifehack】」專教生活小秘技,今次有日本網民發明超簡便「McDonald’s cup egg」,方法係將生雞蛋放入M記咖啡杯,倒入滾水靜待25分鐘,之後再等多10分鐘,打開蛋殼,倒出嚟嘅就會係一隻滑溜溜半熟蛋,伴公仔麵食又好,又或者再簡單啲伴生菜食亦得,得咗! 相關資訊【新片速報】外國貓奴自製紙箱迷宮 50個紙箱排陣超興奮 (Aug 11, 2017) 有片:Parkour+喪屍圍攻 跳出生天 (May 17, 2017)

Read more ›
有片:煎Pan版石內卜教授 Alan Rickman上鑊
by / on 19/01/2016 at 8:00 pm

有片:煎Pan版石內卜教授 Alan Rickman上鑊

Alan Rickman呀,香港人係善忘嘅,仲記唔記得邊個呀?剛剛上天堂同上帝做朋友嗰個石內卜教授呀,為咗悼念呢位好戲之人,YouTube頻道「Dancakes」用佢個樣製作咗個Pancake致敬,今次畫真人唔係畫動漫人物,難度更高,但主持人一樣有水準,一睇就知煎緊邊個……石內卜教授,永別喇。 相關資訊東京超邪惡「鐵板Pancake」 網民推介極美味 (Oct 28, 2017) 有片:似異形破體而出 充氣谷爆足球+欖球 (Feb 9, 2017)

Read more ›
有片:詭異Body Art!半邊頭顱機械腦!
by / on 18/01/2016 at 9:45 pm

有片:詭異Body Art!半邊頭顱機械腦!

鍾意睇人體彩繪Body Art嘅,千其唔好錯過YouTube頻道「ArtistJodySteel」,今次出賣光頭,直接喺頭殼畫公仔,只畫半邊頭顱,好似剝開層皮露出裡面嘅機械腦咁,顏色唔算鮮艷但依舊吸睛。睇片,望落就無起稿直接就畫,呢番手藝固然絕頂精彩,最過癮係有埋機械腦袋解構,甚麼小腦(Cerebellum)、顳葉(Temporal Lobe)、前額葉(Frontal Lobe)、頂葉(Parietal Lobe)同枕葉(Occipital Lobe),全部用英文指出所屬位置,好Biology喎。 相關資訊【圖集】爸爸畫作再出動 機械人改圖變神作(4) (Dec 27, 2017) 日本人狂玩Amazon紙箱 變身紙箱機械人Twitter熱傳 (Dec 24, 2017)

Read more ›